UP By-election 2022 : उत्तर प्रदेशच्या मैनपुरी पोटनिवडणुकीत समाजवादी पक्षाने मोठ्या फरकाने विजय मिळवला आहे. सपा उमेदवार डिंपल यादव यांनी भाजप उमेदवार रघुराज सिंह शाक्य यांचा जवळपास तीन लाख मतांनी पराभव केला आहे.

मैनपुरीमध्ये डिंपल यादव यांना 617625 मतं मिळाली, तर भाजप उमेदवार रघुराज सिंह शाक्य यांना 329489 मतं मिळाली. म्हणजेच 288461 एवढ्या मोठ्या मतांच्या फरकाने डिंपल यांनी आपला विजय नोंदवल आहे.

मुलायम सिंह यादव यांच्या मृत्यूनंतर ही लोकसभेची जागा रिक्त झाली होती. डिंपल यांच्या विजयामुळे आता मुलायम सिंह यांचा वारसा त्या पुढे नेणार हे स्पष्ट होत आहे. (Election 2022) 

मुलायम सिंह यादव यांनी 2019 मध्ये निवडणूक लढली त्यावेळी त्यांनी 94 हजार मतांच्या फरकाने विजय नोंदवला होता. मात्र डिंपल यादव यांनी यावळे तिप्पट फरकाने हा विजय साजरा केला आहे. डिंपल यांना शिवपाल सिंह यादव यांचा पाठिंबा मिळाल्याने डिंपल यांचा हा विजय अधिक सोपा झाला.  (Latest Marathi News)