Uttar Pradesh Accident News: उत्तरप्रदेशमधू एक भीषण अपघाताची घटना समोर आली आहे. उत्तर प्रदेशातील सहारनपूर जिल्ह्यात मंगळवारी ट्रक आणि कार यांच्यात जोरदार धडक झाली. या धडकेनंतर कारला आग आग लागली ज्यामध्ये एकाच कुटुंबातील चार जणांचा मृत्यू झाला. या दुर्देवी घटनेने परिसरात एकच खळबळ उडाली आहे. (Latest Accident News)

याबाबत समोर आलेल्या माहितीनुसार, रामपूर मणिहरन परिसरातील बायपास महामार्गावरील उड्डाणपुलावर 11.30 वाजता हा भीषण अपघात (Accident) झाला. हरिद्वारहून एक अल्टो कार येत होती. या ठिकाणी महामार्गाच्या एका बाजूला काम सुरू असल्याने दोन्ही बाजूची वाहने एकाच बाजूने बाहेर काढली जात होती.

त्याचवेळी ओव्हरटेक करण्याच्या नादात समोरून येणाऱ्या ट्रकने कारला धडक दिली. या धडकेनंतर कारमध्ये स्फोट होऊन भीषण आग लागली. ही आग इतकी भयंकर होती की कारमधील पती पत्नीसह चौघांचा जळून जागीच मृत्यू झाला.

दरम्यान, उमेश गोयल (70), सुनीता गोयल पत्नी उमेश गोयल (65), अमरीश जिंदाल (55), गीता जिंदाल पत्नी अमरिश जिंदाल (50) अशी मृतांची नावे असून हे सगळे बसंत विहार ज्वालापूर हरिद्वार येथील रहिवासी आहेत.

कारचे दरवाजे कापून मृतदेह बाहेर काढण्यात आले. या घटनेची माहिती मृताच्या नातेवाईकांना देण्यात आली आहे. तसेच मृतदेह पोस्टमॉर्टमसाठी पाठवण्यात आले आहेत. मुख्यमंत्री योगी आदित्यनाथ (Yogi Adityanath) यांनी या भीषण रस्ता अपघातावर शोक व्यक्त केला आहे. (Latest Marathi News)