प्रमोद जगताप, दिल्ली

Uddhav Thackeray and Rahul Gandhi Meeting:

साडे तीन महिन्यानंतर आज मंगळवारी सायंकाळी इंडिया आघाडीची चौथी बैठक पार पडली. आगामी लोकसभा निवडणुकीतील जागा वाटप आणि जाहीरनाम्याबाबत चर्चा झाली. या इंडिया आघाडीच्या बैठकीआधीच राज्यातील राजकीय घडामोडीवरून काँग्रेसचे वरिष्ठ नेते, खासदार राहुल गांधी आणि माजी मुख्यमंत्री उद्धव ठाकरे यांच्यात बैठक झाली. (Latest Marathi News)

राहुल गांधी आणि उद्धव ठाकरे यांच्यात बैठक

ठाकरे गटाचे प्रमुख उद्धव ठाकरे हे कालपासूनच दिल्लीच्या दौऱ्यावर आहेत. उद्धव ठाकरे यांनी काल दिल्लीचे मुख्यमंत्री अरविंद केजरीवाल यांची भेट घेतली. त्यानंतर आज मंगळवारी इंडिया आघाडीच्या बैठकीआधी राहुल गांधी यांची भेट घेतली.

इंडिया आघाडीच्या बैठकीपूर्वी राहुल गांधी आणि उद्धव ठाकरे यांच्यात २० मिनिटे बैठक झाली. या बैठकीवेळी संजय राऊत, आदित्य ठाकरे देखील बैठकीला उपस्थित होते. तसेच काँग्रेस अध्यक्ष मल्लिकार्जुन खरगे देखील बैठकीला उपस्थित होते. दिल्लीतील अशोका हॉटेलमध्ये बैठक झाली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बैठकीत काय चर्चा झाली?

इंडिया आघाडीच्या बैठकीपूर्वी राहुल गांधी आणि उद्धव ठाकरे यांच्यात अंदाजे २० मिनिटे चर्चा झाली. या बैठकीत राज्यातील महाविकास आघाडीबाबत चर्चा झाली. राज्यात महाविकास आघाडी म्हणून तिन्ही पक्षांनी राज्यात एकत्र काम करावं, असा मुद्दा राहुल गांधींनी बैठकीत मांडला. तसेच यावेळी आगामी लोकसभेसाठी तिन्ही पक्षात आपापसात कसा समन्वय राहील, यावर देखील चर्चा झाल्याची माहिती सूत्रांनी दिली.