अलीकडे विमान अपघाताच्या घटना वाढत आहे. एक वर्षापूर्वीच अहमदाबाद एअरपोर्टवर लंडलला जणार विमान मेडिकल कॉलेजच्या हॉस्टेलवर कोसळले होते. यामध्ये अनेक जणांचा मृत्यू झाला होता. तसेच गुजरातचे माजी मुख्यमंत्री विजय रूपाणी यांचा देखील मृत्यू झाला होता. तर विमान अपघातातच राज्याचे उपमुख्यमंत्री अजित पवार यांचे ही निधन झाले. गेल्या काही दिवसांपासून विमान अपघातांच्या घटनांमध्ये वाढ झाल्याचे पाहायला मिळत आहे. यामुळे हवाई प्रवासाच्या सुरक्षेतवेर गंभीर प्रश्न उपस्थित होत असून नागरिकांमध्ये भीतीचे वातावरण पसरले आहे.

अशातच अमेरिकेत देखील विमानतळावर मोठा अपघात झाला आहे. मायामी विमानतळावर दोन विमानांची धडक झाल्याची घटना समोर आली आहे. फ्लोरिडामधील मायामी इंटरनॅशनल विमानतळावर UPS एअरलाइन्सचे कार्गो विमान आणि कोपा एअरलाईन्सचे प्रवासी विमान एकमेकांना धडकले. या दुर्घटनेत दोन जणांना किरकोळ दुखापत झाल्याची माहिती समोर आली आहे. मिळालेल्या माहितीनुसार, शनिवारी रात्री सुमारे 9 वाजून 15 मिनिटांनी विमानतळावरील दोन टॅक्सीवेच्या जंक्शनवर ही घटना घडली. या धडकेत कोपा एअरलाईन्सच्या बोइंग 737 विमानाच्या पुढील भागाचे मोठे नुकसान झाले आहे. घटनेनंतचे फोटो आणि व्हिडिओ सोशल मीडियावर व्हायरल होत आहेत. 

नेमकं काय घडलं?

एक विमान लँड होत असताना दुसरे विमान टेक ऑफ करण्याच्या तयारीत होते, याचवेळी दोन्ही विमानांची टक्कर झाली. मायामी-डेड फायर रेस्क्यू विभागानेही या घटनेला दुजोरा दिला आहे. या घटनेत UPS चे बोइंग ७६७ कार्गो विमान आणि कोपा एअरलाईन्सचे बोइंग ७३७ प्रवासी विमान होते. UPS चे विमान फ्लाइट क्रमांक ३५८ ने मायामीहून कोलंबियातील बोगोटाकडे रवाना होत होते. तर कोपा एअरलाईन्सचे विमान फ्लाइट क्रमांक ४२७ ने पनामा सिटीहून मायामी येथे आले होते.

दरम्यान, कोपा एअरलाईन्सच्या विमानातील एका प्रवाशाने या घटनेचा व्हिडिओ शूट केला आहे. या व्हिडिओमध्ये UPS च्या विमानाला धडकल्यानंतर कोपा एअरलाईन्सच्या विमानाच्या पुढील भागाचे झालेले नुकसान दिसत आहे. सोशल मीडियावर या घटनेचे फोटो आणि व्हिडिओ मोठ्या प्रमाणात व्हायरल होत आहेत.