प्रशासनात खळबळ उडवून बातमी समोर आली आहे,राज्यातील टेंडर माफिया ऋषूच्या अटकेनंतर सरकारी बाबूंवर कारवाईचा बडगा उगारण्यात आला आहे. दोन आयएएस अधिकाऱ्यांना निलंबित करण्यात आले आहे. ऋषू श्री याच्याशी संगनमत केल्याच्या आणि त्यांच्याकडून बेकायदेशीर आर्थिक लाभ घेतल्याच्या गंभीर आरोपांखाली सरकारने दोन वरिष्ठ आयएएस अधिकाऱ्यांना तात्काळ प्रभावाने निलंबित करण्यात आले आहे.

मुख्यमंत्र्यांच्या निर्देशानुसार, बिहार सरकारच्या सामान्य प्रशासन विभागाने आयएएस योगेश कुमार सागर (२०१७ बॅच) आणि आयएएस अभिलाषा कुमारी शर्मा (२०१४ बॅच) यांच्या निलंबनाबाबत अधिकृत अधिसूचना जारी केली आहे. या दोन्ही अधिकाऱ्यांवर ऋषू श्रीला सरकारी विभागांकडून मोठा कंत्राट मिळवून देण्यास मदत केल्याचा आणि त्या बदल्यात स्वतःसाठी व त्यांच्या कुटुंबीयांसाठी ऋषू श्रीकडून मोठी लाच आणि महागड्या भेटवस्तू घेतल्याचा आरोप करण्यात येत आहे.

छाप्यादरम्यान अधिकाऱ्यांकडे सापडला कुबेराचा खजिना

विशेष दक्षता पथकाने (एसव्हीयू) कुख्यात कंत्राटदार आणि टेंडर माफिया रिशू श्री याला पाटणा येथून अटक केली आहे. अटकेपूर्वी, एसव्हीयूने रिशू श्रीच्या पाटणा येथील आलिशान फ्लॅटवर छापा टाकला, ज्यामुळे तपास अधिकारीही चकित झालेत. छाप्यादरम्यान अनेक वस्तू जप्त करण्यात आल्या आहेत.

या संपूर्ण रॅकेटची मुळे खूप खोलवर रुजलेली असून अंमलबजावणी संचालनालयाने (ईडी) मनी लाँडरिंग प्रतिबंधक कायद्याअंतर्गत (PMLA) ऋषू श्री यांच्या विरोधात आधीच गुन्हा दाखल करण्यात आला होता. ईडीच्या तपासात हे धक्कादायक सत्य समोर आले की, सरकारी निविदा कंत्राट मिळवून देण्याच्या बदल्यात ऋषू श्री यांनी आयएएस लॉबीचा वापर अनेक स्तरापर्यंत केला होता.

आयएएस अधिकाऱ्यांच्या कुटुंबांची परदेशवारी

निविदा कंत्राट मिळवून दिल्याच्या बदल्यात, ऋषूश्रीने या आयएएस अधिकाऱ्यांसाठी आणि त्यांच्या संपूर्ण कुटुंबासाठी युरोप आणि ऑस्ट्रेलियासारख्या देशांमध्ये महागड्या विमान प्रवासाची व्यवस्था केली. प्रवासाची तिकिटे, पंचतारांकित हॉटेल्समधील निवास आणि स्थळदर्शन यांसह सर्व खर्च ऋषूश्रींनी स्वतः उचलला होता.

टेरेस गार्डनसाठी ९ लाखांचा खर्च

तपासात आणखी एक धक्कादायक बाब उघड झाली आहे, २०१४ च्या बॅचच्या आयएएस अधिकारी अभिलाषा कुमारी शर्मा यांच्या घराच्या छतावरील आलिशान गार्डनसाठी ९ लाख रुपयांच्या खर्च करण्यात आला होता तोही टेंडर माफिया ऋषू श्री यांनी दिला होता.