Istanbul News:

तुर्कीयेतील सर्वात मोठे शहर असलेल्या इस्तंबूल येथील नाईट क्लबमध्ये मोठी दुर्घटना घडली आहे. येथे रिनोव्हेशनचे काम सुरू असताना लागलेल्या आगीत 29 जणांचा मृत्यू झाल्याची माहिती मिळत आहे. याशिवाय अनेक जण गंभीर जखमी झाले आहेत. याप्रकरणी क्लबच्या व्यवस्थापकासह पाच जणांना ताब्यात घेण्यात आले आहे.

स्थानिक प्रसारमाध्यमांनी दिलेल्या माहितीनुसार, येथील राज्यपाल कार्यालयाने जारी केलेल्या निवेदनात असे म्हटले आहे की, रुग्णालयात फक्त एका व्यक्तीवर उपचार सुरू आहेत. मस्करेड नाईट क्लब अनेक दिवस बंद होता. इमारतीत रिनोव्हेशनचे काम सुरू होते.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या घटनेशी संबंधित काही व्हिडिओही समोर आले आहेत. शहराच्या युरोपीय भागातील बेसिकटास जिल्ह्यात ही आग लागली. आगीत मृत्युमुखी पडलेले सर्व कामगार असल्याचे सांगण्यात येत आहे. हा नाईट क्लब इमारतीच्या तळघरात होता. तुर्कीयेचे न्यायमंत्री यिलमाझ टुनाक यांनी ट्विटरवर ही माहिती दिली आहे. (Latest Marathi News)

तुर्कीचे न्यायमंत्री यिलमाझ टुनाक म्हणाले आहेत की, इस्तंबूलच्या बेसिकटास जिल्ह्यातील गेरेटेपे जिल्ह्यात लागलेल्या आगीत प्राण गमावलेल्यांवर माजी श्रद्धांजली. जखमींच्या लवकरात लवकर बरे व्हावे, यासाठी मी पार्थना करत आहे. आगीप्रकरणी न्यायालयीन चौकशी सुरू करण्यात आली आहे. यामध्ये तीन सरकारी वकिलांची नियुक्ती करण्यात आली आहे.

ये पुढे म्हणाले, आगीचे कारण शोधण्यासाठी तीन तज्ज्ञांचे पथक काम करत आहे. या घटनेप्रकरणी एकूण 5 संशयितांना ताब्यात घेण्याचे आदेश देण्यात आले आहेत. सर्व गोष्टींचा बारकाईने तपास सुरू आहे.