तेलंगणा : उन्हाळ्यात (summer season) वाढलेला वीजवापर देशातील विविध राज्यांसाठी अडचणीचा ठरत आहे. महाराष्ट्राबराेबर (maharashtra) आंध्र प्रदेशात (andhra pradesh) देखील वीजेची कपात सुरु झाली आहे. त्यापाठाेपाठ आता तेलंगणा (telangana) राज्यात देखील वीजेच्या कपातीचे संकट घाेंगावत आहे. प्राथमिक टप्प्यात तेलंगणात फक्त शेतीसाठीच्या वीजेची कपात केली जाणार आहे. (telangana power cut latest marathi news)

तेलंगणा सरकार आतापर्यंत शेतकऱ्यांना (farmers) २४ तास मोफत वीज देत आले आहे. आता उन्हाळ्यात वीजेचा वापर वाढल्याने वीज मोठ्या प्रमाणावर खरेदी करावी लागणार आहे. त्यामुळेच तेलंगणा सरकारने सध्याच्या कृषी पुरवठ्यात कपात करण्याचे आदेश दिले आहेत. तसेच शेतीला दिली जाणारी वीज सात तासांपर्यंत मर्यादित ठेवण्याचे आदेशात नमूद करण्यात आले आहे.

TSNPDCL ने यापूर्वीच लेखी सूचना दिल्या आहेत. जिल्ह्यानुसार सात तासांचे थ्री फेज वीज पुरवठ्याचे वेळापत्रक पाळण्याचे आदेश अधिका-यांना दिले आहेत. तेलंगणात गेल्या अनेक दिवसांपासून वीजटंचाई आहे. त्याच वेगाने मागणी वाढत आहे. त्यामुळे कपात अपरिहार्य असल्याचा दावा अधिकारी करीत आहेत. येसंगी (Yasangi) काढणीच्या अवस्थेत असल्याने विजेचा वापर मोठा होणार नसल्याचे अधिकाऱ्यांचे म्हणणे आहे आणि त्यामुळे सात तासांपर्यंत घट करण्यात आली आहे. दरम्यान याचा पिकांवर मोठा परिणाम होईल अशी शक्यता वर्तवली जात आहे.

Edited By : Siddharth Latkar