Truck and Car Accident :

कर्नाटकातील गुडाच्या जंगलाजवळील महामार्गावर ट्र्क आणि कारचा भीषण अपघात झाला. या अपघातात एका ५ वर्षाच्या मुलीसह ७ जणांचा मृत्यू झालाय. पोलिसांनी दिलेल्या माहितीनुसार, सोमवारी संध्याकाळी विजयनगर जिल्ह्यातील राष्ट्रीय महामार्गावरील गुंडा जंगलाजवळ हा अपघात झाला. येथे मागून येणाऱ्या ट्रकने कारला धडक दिली. यात कारमधील ७ जणांचा मृत्यू झाला. यात तीन महिला आणि एका लहान मुलीचा समावेश आहे. (Latest News)

कारला धडक देणारा ट्र्क हा चित्रदुर्गाकडून होस्पेटला जात होता. गुडाच्या जंगलाजवळ ट्रक आला असताना ट्रकची स्टेअरिंग लॉक झाली. यामुळे हा ट्रक अनियंत्रित होत विरुद्ध बाजूच्या लेनमध्ये घुसला. त्याचवेळी एक एसयुव्ही कार हरपनहल्लीहून हॉस्पेटच्या दिशेने जात होती. या कारला अनियंत्रित ट्रकची धडक झाली. त्यानंतर एका मागून येणाऱ्या एका ट्रकने त्या कारला मागून धडक दिली. दरम्यान या कारमधून प्रवास करणाऱ्या ७ जणांचा या अपघातात मृत्यू झाला, अशी माहिती पोलिसांनी दिली.

मृत पावलेले व्यक्ती होस्पेट येथील उक्कडगात्री या गावाचे आहेत. ते सर्वजण हरपनहल्ली तालुक्यातील कुलाली मंदिरात दर्शनाला गेले होते. दोन्ही ट्रकचे चालक हे गंभीर जखमी झाले आहेत. या दोघांना होस्पेटमधील शासकीय रुग्णालयात दाखल करण्यात आले आहे.