आशियाई खेळात भारताचं प्रतिनिधित्व नेतृत्व करणाऱ्या ३५ वर्षीय रोहिणी कलम नावाच्या जुजुत्सू खेळाडूने आयुष्य संपवलं आहे. रोहिणीची लहान बहीण रोशनीच्या घरात लटकलेल्या अवस्थेत मृतदेह आढळला. मध्य प्रदेशच्या अर्जुननगरमध्ये संपूर्ण प्रकार घडला. महिला खेळाडूला तातडीने रुग्णालयात दाखल केलं. परंतु रुग्णालयाने रोशनीला मृत घोषित केलं. खेळाडूच्या मृत्यूने क्रीडा विश्वात खळबळ उडाली आहे.

जुजुत्सू खेळात मास्टर असलेली रोहिणी टोकाचं पाऊल उलताना तिची आई आणि बहीण देवदर्शनाला गेले होते. तर वडील कामानिमित्त घराबाहेर गेले होते. रोहिणीची लहान बहीण रोशनीने सांगितलं की, रोहिणी सध्या एका खासगी शाळेत मार्शल आर्ट कोच या पदावर कार्यरत होती. तिचे शाळेत काही वाद सुरु होते. ती शनिवारी घरी आली, त्यावेळी नाराज असल्याची दिसली. तिने सकाळी चहा आणि नाष्टा केला. त्यानंतर कोणाशी तरी फोनवर बोलणं केलं. त्यानंतर खोलीत जाऊन दरवाजा बंद केला होता.

रोहिणीचे वडील निवृत्त बँक कर्मचारी आहेत. रोहिणी ४ बहि‍णींपेक्षा मोठी होती. तिच्या खोलीत कोणतीही चिठ्ठी आढळली नाही. त्यामुळे तिच्या आत्महत्येचं कारण समोर आलेलं नाही. पोलिसांनी बँक नोट प्रेस पोलीस स्टेशनमध्ये गुन्हा नोंद केला आहे. पोलिसांनी रोहिणीच्या आत्महत्येच्या कारणाचा शोध सुरु केला आहे.

रोहिणीने आशियाई खेळात हाँगझोऊमध्ये झालेल्या १९ व्या आशियाई खेळामध्ये भारताचं प्रतिनिधित्व केलं होतं. या व्यतिरिक्त तिने भारतासाठी अनेक पदके जिंकले होते. थायलँडमध्ये झालेल्या ओपन ग्रँड प्रिक्समध्ये तिने चांगली कामगिरी केली होती. तर बँकॉकमध्ये झालेल्या स्पर्धेत ४८ किलोग्रॅम वजनाच्या गटात कांस्यपदक' पटकावलं होतं.