मुंबई : शाळेमध्ये मुलांना शिक्षकांकडून (Teacher) मिळणारी शिक्षा (Punishment) ही आपल्यासाठी सर्वसामान्य बाब असते कारण मुळात शिक्षक मुलांना सुधारण्यासाठी त्यांनी शिक्षणात प्रगती करावी या हेतूनेच त्यांना शिक्षा करत असतात. मात्र आपल्या मुलीला शाळेत शिक्षकांनी शिक्षा केली म्हणून एका मुलीच्या वडिलांनी चक्क शाळेमध्ये गोळीबार केल्याचा धक्कादायक प्रकार समोर आला आहे.

शाळेत गोळीबार (Firing) केल्याची ही घटना राजस्थानमधील (Rajasthan) भरतपूर येथे घडली आहे. भरतपूर जिल्ह्यातील कनवाडा येथील एका जवान बापाने हा गोळीबार केल्याची माहिती समोर आली आहे. या जवानाचे नाव पप्पु गुर्जर असे असून पप्पुची मुलगी गावाततील सुरेंद्र सिंह नावाची व्यक्ती चालवत असणाऱ्या शाळेत शिकतं आहे. पप्पुच्या मुलीने घरी दिलेला अभ्यास न केल्याने तिच्या शाळेतील शिक्षिकेने तिला कानाखाली मारली आणि शिक्षिकेने मार दिल्याने ही मुलगी रडत घरी पोहोचली.

हे देखील पहा -

मुलीला रडताना पाहिल्याने पप्पू संतापला आणि तो आपली परवाना असलेली बंदूक घेऊन शाळेत गेल्यावरचती सुरेंद्र सिंह शाळा संचालक यांच्याशी त्याचा वाद झाला. आणि या वादामुळे चिडलेल्या मुलीच्या वडिलाने शाळेच्या (School) आवारातच गोळीबार केला. या गोळीबारामध्ये डबा घेऊन शाळेत आलेली सुरेंद्र यांची बायको राजबाला यांना गोळी लागली. सुरेंद्र यांच्या पत्नीला गोळी लागलेली पाहताच मुलीचा वडिल तेथून फरार झाला असून त्याचा शोध पोलिस करत आहेत.

Edited By - Jagdish Patil