उत्तर प्रदेशातील मेरठ जिल्ह्यात एका १५ वर्षीय मुलाने मृत्यूनंतरचे जीवन जाणून घेण्याच्या उत्सुकतेपोटी, आपल्या कुटुंबासमोर स्वत:वर गोळी झाडत मृत्यूला ओढवून घेतलंय. या घटनेत मुलाचा मृत्यू झाला असून, या घटनेनंतर कुटुंबियांनी पोलिसांत कोणतीही तक्रार दाखल केलेली नाही. या धक्कादायक प्रकरणानंतर परिसरात एकच खळबळ उडाली आहे.

पोलीस अधिकार्‍यांनी दिलेल्या माहितीनुसार, इयत्ता नववीत शिकणाऱ्या युवराज राणाने मृत्यूपूर्वी गुगल आणि यूट्यूबवर मृत्यूनंतर काय होते, मृत्यूच्या पद्धती आणि आत्मा कुठे जातो, असे सर्च केले होते. सर्च केल्यानंतर त्याने हे टोकाचे पाऊल उचललंय. तसेच स्वत:वर गोळी झाडण्यापूर्वी त्याने कोणतीही सुसाईड नोट लिहलेली नाही.

यासंदर्भात स्टेशन हाऊस ऑफिसर धर्मेंद्र कुमार यांनी सांगितले, ही धक्कादायक घटना शनिवारी रात्रीच्या सुमारास मेरठ शहरातील एपेक्स कॉलनीमध्ये घडलीय. युवराज राणा असं तरूणाचे नाव असून, त्याने स्वत:वर गोळी झाडली. मृत्यूनंतर नेमकं काय होतं? हे जाणून घेण्यासाठी त्यांनी हे पाऊल उचलल्याचं बोललं जातंय. या प्रकरणी कुटुंबियांनी अद्याप तक्रार दाखल केलेली नाही. मुलाकडे पिस्तूल कुठून आले याचा शोध घेण्याचे प्रयत्न सुरू आहे.

प्राथमिक मिळालेल्या माहितीनुसार,युवराज वाईट संगतीत होता. या कारणामुळे त्याला आई आणि भाऊ नेहमी ओरडत असत. कुटुंबियांनी त्याची दुचाकी देखील विकली होती. त्यानंतर अधिक चितेंत राहू लागला. घरच्यांशी बोलणे त्यानं टाळले असल्याची माहिती समोर येत आहे. या प्रकरणी कुटुंबियांनी पोलीसांत तक्रार जरी दाखल केली नसली तरी, य घटनेनंतर परिसरात एकच खळबळ उडाली आहे.