तामिळनाडू विधानसभेच्या निवडणुकीत मोठी उलथापालथ होण्याची शक्यता आहे. अभिनेता-राजकारणी थलपती विजयच्या नेतृत्वाखालील टीव्हीके हा पक्ष 108 जागा मिळवून सर्वात मोठा पक्ष म्हणून उदयास आला. मोठा पक्ष म्हणून उदयास आला असला तरी बहुमत मिळाले नाहीये. मात्र राज्यातील अनेक राजकीय पक्ष त्यांना पाठिंबा देण्यास तयार आहेत.

राज्यातील अण्णाद्रमुक पक्षातील काही आमदार थलपती विजय यांना पाठिंबा देण्यास सहमत आहे. परंतु काहींचा त्याला विरोध आहे. पक्षातील आमदारांमध्ये मतभेद निर्माण झाल्यामुळे आज नियोजित असलेली पक्षाच्या विधिमंडळ गटाची बैठक पुढे ढकलण्यात आली आहे. सूत्रांनी दिलेल्या माहितीनुसार, AIADMK पक्षाच्या 47 आमदारांपैकी बहुतांश आमदारांची TVK ला आपला पाठिंबा देण्यास समर्थन दिले आहे.

थलपती विजयला पाठिंबा देण्याचा निर्णय पक्ष श्रेष्ठींनी अद्याप घेतला नाहीये. यावरून आमदारांनी माजी मुख्यमंत्री आणि अण्णाद्रमुकचे ज्येष्ठ नेते एडप्पाडी यांना एक अप्रत्यक्ष इशारा दिला आहे. जर त्यांनी लवकर निर्णय घेतला नाही, तर ३० हून अधिक आमदार पक्षातून बाहेर पडून विजय यांना पाठिंबा देतील. या बंडाचे नेतृत्व सी.व्ही. षण्मुगम हे करत आहेत. अण्णाद्रमुकचे आमदार थोड्याच वेळात सी.व्ही.षण्मुगम यांच्या निवासस्थानी जाणार आहेत.

राज्यात उलथापालथ होण्याची शक्यता

AIADMK च्या नवनिर्वाचित आमदारांची बैठक आज चेन्नई येथे होणार होती. मात्र अगदी शेवटच्या क्षणी ती पुढे ढकलण्यात आली. पक्षातील एका गट विजय यांच्या TVK या पक्षाला एका वर्षाच्या कालावधीसाठी बाहेरून पाठिंबा देण्यास आग्रही आहे. TVK हा पक्ष राज्य विधानसभेत 'सर्वात मोठा पक्ष' म्हणून उदयास आला असला, तरीही बहुमताचा आकडा त्यांच्याकडे नाहीये.

तर तामिळनाडूच्या २३४ जागांच्या विधानसभेत बहुमत सिद्ध करण्यासाठी ११८ जागांची आवश्यकता आहे. पण TVK ने १०८ आमदारा आहेत. दरम्यान थलपती विजय यांनी सरकार स्थापनेसाठी काँग्रेसकडे पाठिंबा मागितला आहे. आज काँग्रेसने याबाबत निर्णय घेतला असून ते विजयला पाठिंबा देणार आहेत. हाती आलेल्या माहितीनुसार, थलपती विजय उद्या मुख्यमंत्रीपदाची शपथ घेणार आहे.