शिवाजी काळे, नवी दिल्ली

OBC Reservation Court Hearing: ओबीसी राजकीय आरक्षण आणि राज्यातील स्थानिक स्वराज्य संस्थासंदर्भात आज सुप्रीम कोर्टात महत्त्वपूर्ण सुनावणी होणार आहे. आज, १७ नोव्हेंबर २०२२ ला ही सुनावणी पार पडणार आहे. राज्यातल्या ९२ नगरपरिषदांमधील ओबीसी आरक्षणावर ही सुनावणी होणार आहे. ओबीसी आरक्षण प्रकरणी गेल्या आठवड्यात गुरूवारी सुनावणी पार पडली होती. (Maharashtra Latest News)

ओबीसी राजकीय आरक्षण (OBC Reservation) आणि राज्यातील स्थानिक स्वराज्य संस्थासंदर्भात आज सुप्रीम कोर्टात (Supreme Court of India) महत्त्वपूर्ण सुनावणी होणार आहे. ९२ नगरपरिषदांच्या ओबीसींच्या निवडणूकीबाबत राज्य सरकारने अधिक वेळ मागितला होता. त्यानुसार कोर्टानं एक आठवड्याचा वेळ वाढवून दिला होता. आता पुन्हा या प्रकरणावर सुनावणी होणार आहे. यात राज्य सरकारला आपली बाजू मांडावी लागणार आहे.

मुंबई महापालिका प्रभाग रचनेबाबतच्या सुनावणीत सुप्रीम कोर्टानं हस्तक्षेप करण्यास नकार दिला होता. त्याबाबत याचिकाकर्त्यांना मुंबई हायकोर्टात जाण्याचे निर्देश सुप्रीम कोर्टानं दिले आहेत. त्यानुसार मुंबई हायकोर्टात पुढील लढाई लढवावी लागणार आहे.

Edited By - Akshay Baisane