Sulli Deals: अॅपद्वारे अल्पसंख्याक महिलांची बदनामी करणाऱ्या आरोपींना आता दिलासा मिळाला आहे. बुल्ली बाई अॅप प्रकरणामधील आरोपी नीरज बिष्णोई आणि सुली डील्स अॅप तयार करणारा ओंकारेश्वर ठाकूर याला मानवीय आधारावर जामीन मंजूर करण्यात आला आहे. दिल्ली (Delhi) कोर्टाने हा सशर्त जामीन मंजूर केला आहे. आरोपींनी पहिल्यांदा गुन्हा केला आहे. यामुळे तुरुंगवासात राहिल्यास त्यांच्यादृष्टीने हानीकारक ठरू शकणार आहे, असे देखील कोर्टाने सांगितले आहे. कोर्टाने जामीन देत असताना आरोपींसमोर (accused) काही अटी ठेवले आहेत. कोणत्या साक्षीदाराला न धमकावणे, पुराव्यांबरोबर छेडछाड करू नये या अटी ठेवले आहेत.

हे देखील पहा-

आरोपीने कोणत्याही पीडित व्यक्तीला संपर्क करणे, त्यांना आमिष दाखवण्याचा प्रयत्न करू नये, अशा स्पष्ट सूचना कोर्टाने (Court) दिले आहेत. जामीनावर असताना आरोपीने आपला संपर्क क्रमांक आणि वास्तव्याची माहिती अधिकाऱ्याला द्यावी लागणार आहे. आरोपी आपला फोन कायम सुरू ठेवणार, तसेच आपल्या ठाव- ठिकाण्याची माहिती देणार आहेत. आरोपीने देश सोडू नये आणि प्रत्येक तारखेला न्यायालयामध्ये हजर रहावे लागणार आहे. जामिनावर असताना आरोपीने असा गुन्हा करू नये असे देखील आरोपींना बजावण्यात आले आहे.

नेमकं काय आहे 'सुली डिल्स' अ‍ॅप?

सुली हा मुस्लिम महिलांविषयी वापरला जाणारा अपमानास्पद शब्द आहे. ४ जुलै २०२१ दिवशी ट्विटरवर सुली डील्सच्या नावाने अनेक स्क्रीनशॉट शेअर करण्यात आले आहे. अ‍ॅपवर 'सुली डील ऑफ द डे' अशी टॅगलाईन वापरण्यात आली होती आणि ती मुस्लिम महिलांच्या फोटोबरोबर शेअर केली जात होती. हे फोटो मध्ये गिटहब (Github) अ‍ॅपवर एका अज्ञात ग्रुपने तयार केले होती. या प्रकरणी तक्रार देखील दाखल करण्यात आली होती. मात्र, अनेक महिने त्यावर कारवाई झाली नाही.

Edited By- Digambar Jadhav