राजा रघुवंशी प्रकरणात पोलीस तपासातून अनेक धक्कादायक बाबी समोर येत आहेत. सोमवारी पोलिसांनी सोनम रघुवंशीला यूपीतील गाझीपूर येथून अटक केली. सोनम या प्रकरणात मास्टरमाईंट असल्याचा आरोप केला जात आहे. राजा रघुवंशीच्या हत्या प्रकरणात सोनमचा प्रियकर राज कुशवाह आणि इतर तीन जणांची नावे समोर आली आहेत. आता या प्रकरणाला नवीन वळण मिळण्याची शक्यता आहे, कारण सोनम गरोदर असल्याचं बोललं जात आहे. वैद्यकीय रिपोर्टमुळे हे प्रकरण अधिक गुढ बनत चाललं आहे.

सोनमच्या वैद्यकीय चाचणीतून धक्कादायक माहिती समोर

९ जून २०२५ रोजी ३ महिला डॉक्टरांच्या पथकाने सोनमची वैद्यकीय चाचणी केली. या चाचणीमध्ये सोनमची शारीरिक आणि मानसिक स्थिती कमकुवत असल्याचं आढळून आलं. ती घाबरली होती. मात्र, तिच्या शरीरावर कोणत्याही जखमांच्या खुणा नसल्याचं पोलिसांनी सांगितलं.

दरम्यान, प्रेग्नेंसी टेस्टमधून कोणतीही ठोस माहिती समोर आलेली नाही. त्यामुळे सोनम गर्भवती आहे की नाही, हे स्पष्ट होऊ शकले नाही. न्यूज १८ च्या वृत्तानुसार, डॉक्टरांनी ७ दिवसांनी अल्ट्रासाऊंड करण्याचा सल्ला दिला आहे. यामुळे या प्रकरणात आणखी गुढ वाढलं आहे.

हनिमून ते थेट हत्या

११ मे २०२५ रोजी इंदुरमध्ये दोघांचं लग्न झालं होतं. मात्र, सोनम आपल्या नवऱ्यासोबत खूश नव्हती. तिचं जीव राजामध्ये अडकला होता. २० मे रोजी जोडपं मेघालयात गेले होते. नंतर २३ मे रोजी सोहरामधून दोघेही बेपत्ता झाले. २ जून रोजी राजाचा मृतदेह वैसोडोंग धबधब्याजवळील एका खोल दरीत आढळला.

मृतदेह आढळल्यानंतर पोलिसांनी हत्येचा गुन्हा दाखल करून तपासाला सुरूवात केली. ९ जून रोजी उत्तर प्रदेशातील गाझीपूरमधील एका ढाब्यावर सोनम सापडली. तिनं आत्मसमर्पण केलं. मेघालय पोलिसांचा दावा आहे की, सोनमने तिचा प्रियकर राज कुशवाहसोबत राजाची हत्या करण्यासाठी आणखी ३ जणांची मदत घेतली. या प्रकरणी पोलिसांकडून अधिक तपास सुरू आहे.