cigarette viral video : अनेक व्यक्तींना धुम्रपान करण्याची सवय असते. या व्यसनामुळे आपल्या जिवाला धोका असतो हे माहीत असूनही बऱ्याच व्यक्ती धूम्रपान करतात. तरुणाईमध्ये सिगरेट, तंबाखू, पान अशी व्यसने दिवसेंदिवस वाढत आसल्याचं दिसत आहे. सिगरेटचं व्यसन एका तरुणाच्या जीवावर बेतलं आहे. (Shoking video)

सिगरेट पिल्याने फुफ्फुसांचे आजार होतात, कॅन्सर होतो. त्यामुळे अनेक व्यक्ती दगावतात. मात्र व्हायरल होत असलेल्या व्हिडिओमध्ये कॅन्सर किंवा फुफुसांचा आजार न होताच या व्यक्तीचा मृत्यू झालाय. व्हिडिओमध्ये दिसत आहे की, एका दुकानात दोन तरुण आणि दुकान मालक उभा आहे. यातील एक तरुण सिगरेट विकत घेतो.

सिगरेट विकत घेतल्यानंतर तो तिथेच सिगरेट पीत असतो. लाईटरच्या सहाय्याने तो सिगरेट पेटवतो तेव्हा मोठा अनर्थ घडतो. त्याच्या सिगरेटला आग लागते. पुढेही आग सगळीकडे पसरते. बघता बघता आग (Fire) तरुणाच्या संपूर्ण शरीरावर पेट घेते. आगीमुळे मोठा स्फोट होऊन या दुकानाला देखील आग लागल्याची माहिती मिळाली आहे.

संबंधित घटनेमध्ये दुकानातील इतर दोन व्यक्ती देखील होरपळले आहेत. सदर घटनेचा व्हिडिओ सोशल मीडियावर जोरदार व्हायरल होतोय. आतापर्यंत 3 मिलियनहून अधिक व्हुव्ज या व्हिडिओला आले आहेत. धूम्रपान करताना देखील स्वतःची काळजी घेणे किती महत्त्वाचे आहे हे या व्हिडिओमधून समजते.

धूम्रपान आपल्या आरोग्यासाठी घातक आहे. तंबाखू, सिगरेट यांच्या पॅकेटवर देखील धूम्रपान करणे किती धोक्याचे आहे हे लिहिलेले असते. सरकार मार्फत देखील धूम्रपान करूनये यासाठी जनजागृती केली जाते. मात्र जगभरात लाखो व्यक्ती विविध व्यसनाच्या आहारी गेलेल्या आहेत.