Snake Bites Viral News : दारूच्या नशेत असणाऱ्या एका तरूणाने चक्क विषारी सापाला दाताने तोडून काढले. त्यानंतर बेडवरून शेजारी ठेवून झोपल्याची धक्कादायक घटना समोर आली आहे. आंध्र प्रदेशमधील तिरूपती जिल्ह्यात थोट्टंबेडू येथे ही खळबळजनक घटना घडली. विषारी सापाने एका तरूणाला दंश केला. दारूच्या नशेत असणाऱ्या तरूणाने त्या विषारी सापाला दाताना फाडले. त्यावरच तो थांबला नाही. सापाला दाताने फाडल्यानंतर बेडवर शेजारी ठेवून तो झोपला. पण सकाळी ज्यावेळी कुटुंबियाने बेडवरील दृश्य पाहिले त्यावेळी धक्काच बसला. त्या तरूणाचे नाव वेंकटेश असे आहे.

थोट्टंबेडूमधील चिय्यावरम गावातील वेंकटेश याला रात्री सापाने चावा घेतला. वेंकटेश दारूच्या नशेत होता. त्याने विषारी सापाला हातात घेतलं अन् दाताने फाडले. तो तेवढ्यावरच थांबला नाही. दारूच्या नशेत तो मृत सापाला घेऊन बेडवर झोपला. पण सकाळी ज्यावेळी कुटुंबियांनी हा सर्व प्रकार पाहिला अन् पायाखालची जमीन सरकली. बेडवर साप मृत पडलेला होता. तरूणाची प्रकृती अतिशय बिघडली होती. चिय्यावरम गावात ही घटना वाऱ्यासारखी पसरली. साप आणि वेंकटेश याला पाहण्यासाठी गर्दी झाली होती. स्थानिकांनी दिलेल्या माहितीनुसार, दारूच्या नशेत वंकटेश गुरूवारी रात्री घरी येत होता. त्यावेळी रस्तावर त्याला एका काळ्या विषारी सापाने दंश केला. त्यामुळे वेंकटेश याला राग अनावर आला, त्याने सापाला उचलले अन् दाताने कचकन तोडलं.

वेंकटेश याने दाताने फाडल्यामुळे साप जागेवरच मेला. तेवढ्यावरच तो थांबला नाही. सापाला घेऊन घरी आला अन् बेडवर बाजूला ठेवून झोपला. शुक्रवारी सकाळी वेंकटेश याच्या अंगात विष पसरले. कुटुंबियांनी त्याची परिस्थिती पाहिल्यानंतर तात्काळ रूग्णालयात दाखल केला. वेंकटेश याला याबाबत विचारले असता त्याने गुरूवारी रात्री घडलेला घटनाक्रम सांगितला. वेंकटेशचे शब्द ऐकताना सर्वजण थक्क झाले. वेंकटेशी प्रकृती सध्या चिंताजनक असून त्याच्यावर तिरुपतीमधील एसवीआरआर सरकारी रूग्णालयात उपचार सुरू आहेत. वेंकटेश याचा रात्रीचा पराक्रम वाऱ्याच्या वेगाने गावात अन् तालुक्यात पसरला. गावातील मंडळीने सापाला पाहण्यासाठी वेंकटेश याच्या घराबाहेर गर्दी केली.