राजस्थानच्या उदयपूरमध्ये भीषण अपघाताची घटना घडली आहे. भरधाव कारमध्ये वाढदिवसा साजरा करताना अपघात झाल्याची माहिती मिळत आहे. या भीषण अपघातात ४ जणांचा जागीच मृत्यू झाला. तर दोघे गंभीर जखमी झाले आहेत. या अपघाताचा व्हिडिओ सोशल मीडियावर व्हायरल झाला आहे.

उदयपूरमध्ये मोहम्मद अयान, आदिल कुरैशी,शेर मोहम्मद, गुलाम ख्वाजा, वसीम आणि मोहम्मद कैफ हे अयानचा वाढदिवस साजरा करण्याठी दुचाकी गहान ठेवून कार भाड्याने घेतली होती. या ६ मित्रांनी धावत्या कारमध्येच वाढदिवस साजरा करण्याचा प्लान केला होता.

शेर मोहम्मदने कार १२० किलोमीटर प्रति तासाच्या वेगाने चालवण्यास सुरुवात केली. या कारमध्ये मोठ्या आवजाने गाणे वाजवणे सुरू होते. कार चालवणाऱ्याच्या हातात सिगारेट होती. कारच्या आतच वाढदिवसाची पार्टी सुरू होती. त्याचदरम्यान कारचा भीषण अपघात झाला.

अपघात झाल्यानंतर कारमध्ये एकच अंधार झाला. कारमधील तरुण जीव वाचवण्यासाठी जोरजोरात ओरडू लागले. 'आई मला वाचव. भाऊ मला वाचव. हे अल्लाह मी कारमध्ये अकडलो आहे. मला श्वास घ्यायला देखील अडचण होत आहे, असं कारमधील एक तरुण ओरडत होता.

पोलिसांनी दिलेल्या माहितीनुसार, पोलिसांनी दिलेल्या माहितीनुसार, अपघातात ४ मित्रांचा मृत्यू झाला आहे. तर दोघे जण गंभीर जखमी झाले आहेत. या जखमी तरुणांवर रुग्णालयात दाखल करण्यात आलं आहे. मृतदेहाची ओळख करून ताब्यात घेण्यात आले आहेत. पोलिसांनी मृतदेह शवविच्छेदनासाठी रुग्णालयात पाठवले आहेत. कार कोणाची होती, याचा तपास पोलिसांकडून सुरू करण्यात आला आहे.