बिहारच्या नालंदा जिल्ह्यातील एका गावातून धक्कादायक बातमी समोर येत आहे. राजगीर पोलीस ठाण्यात तैनात असलेल्या सहाय्यक पोलीस उपनिरीक्षक सुमन तिर्की यांनी त्यांच्या सर्व्हिस रिव्हॉलव्हरने स्वत:वर गोळी झाडून आत्महत्या केली आहे. या घटनेची माहिती मिळताच वरिष्ठ पोलीस अधिकारी घटनास्थळी पोहोचले. त्यांनी आत्महत्या का केली? याचा तपास सध्या पोलिसांकडून सुरू आहे. या घटनेमुळे पोलीस विभागात घबराट पसरलीय.

राजगीर पोलीस ठाण्याच्या आवारातून ही घटना उघडकीस आली. सुमन तिर्की यांनी आत्महत्या केल्यानंतर पोलिसांनी घटनास्थळी धाव घेतली. तसेच मृतदेह ताब्यात घेतला. पोलिसांनी मृतदेह ताब्यात घेऊन रूग्णालयात पाठवले. पोलीस आणि फॉरेन्सिक टीमकडून सध्या तपास सुरू आहे.

राजगीरचे डीएसपी सुनील कुमार यांनी सांगितले की, मृत एएसआय सुमन तिर्की हा झारखंडमधील गुमला जिल्ह्यातील भटौली गावातील रहिवासी आहेत. गेल्या वर्षभरापासून राजगीरमध्ये ते तैनात होते. सुशील तिर्की यांचे पुत्र होते. सध्या पोलिसांकडून तपास सुरू आहे.

प्रथमदर्शनी या घटनेचे कारण कौटुंबिक वाद असल्याचे सांगितले जात आहे. शवविच्छेदन अहवाल समोर आल्यानंतर पुढील तपास पोलिसांकडून केला जाईल. या घटनेनंतर परिसरात खळबळ उडाली आहे.