स्ट्रगल हा कोणत्याही कलाकाराला चुकलेला नाही. प्रत्येक कलाकाराला स्ट्रगल फेसमधून जावं लागतं. ग्लॅमरच्या दुनियेतील झगमगाट खऱ्या आयुष्यातही तसाच असतो असं नाही. काहींना कुटुंबाचा आधार मिळत नाही. काहींचे कुटुंब मुलांच्या स्ट्रगल काळात साथ सोडतात. अशाच एका अभिनेत्रीने आपला स्ट्रगल काळातील वाईट अनुभवांबद्दल माहिती दिली. तसेच वडिलांच्या वाईट वृत्तीबद्दल भाष्य केलं. यामुळे सिनेसृष्टीत खळबळ उडाली आहे.

सीरिअल्समुळे प्रकाशझोतात आलेली अभिनेत्री म्हणजे शायनी दोषी. तिने अलिकडेच आपल्या वडिलांबाबत धक्कादायक खुलासा केला आहे. तिने सांगितले की, 'जेव्हा मी १६ वर्षांची होती, तेव्हा वडील वेश्या म्हणून शिवीगाळ करत होते', अशी माहिती तिने एका मुलाखतीत दिली.

शायनी म्हणते, 'माझे वडील मला वेश्या म्हणून कायम अपमान करायचे. बऱ्याचदा पॅक अप लवकर व्हायचं नाही. शुटींग २ ते ३ वाजेपर्यंत चालू असायचं. त्यावेळेस माझी आई माझ्यासोबत असायची. मी तेव्हा फक्त १६ वर्षांची होती. शुटींग करून घरी परतल्यानंतर त्यांनी माझ्या कामाचं कौतुक किंवा माझी विचारपूस कधी केली नाही. नेहमी शिवीगाळ करायचे. रात्री अपरात्री तू मुलीला बाहेर घेऊन जातेस. मुलीला वाईट कामाला लावतेस का? असं आईला म्हणायचे.

आता वडील हयात नाहीत. पण त्यांच्या मृत्यूच्या २ वर्षांपूर्वीपर्यंत त्यांच्याशी बोलले नाही. पण या गोष्टीचा आता पश्चाताप होत आहे', असं शायनी म्हणाली.

'आयुष्यातील काही गाठी आपण सोडवू शकत नाही. पण प्रत्येक टप्प्यात आपण जीवनातून धडे घेत असतो. आज माझे वडील माझ्यासोबत नाही. पण यामुळे माझ्या आयुष्यात पोकळी निर्माण झाली आहे', असं म्हणत शायनीने आपल्या भावनांना मोकळं केलं.