बंगरुळू : कर्नाटकात पुढील वर्षी विधानसभेची निवडणूक (Karnataka Assembly Election) होणार असून याच पार्श्वभूमीवर कर्नाटकसह देशभरातील सर्व पक्षांनी जोरदार तयारी सुरू केली असतानाच राष्ट्रवादी काँग्रेसचे (NCP) अध्यक्ष शरद पवार आज कर्नाटक दौऱ्यावर असून त्यांनी या दौऱ्यात राष्ट्रवादीच्या बंगळूरूमधील कार्यालयाचं उद्घाटन केलं. मात्र, कर्नाटकमधील काँग्रेसचे प्रदेशाध्यक्ष डी. के. शिवकुमार (D. K. Shivakumar) यांनी शरद पवारांची भेट घेतल्यानं राजकीय चर्चांना चांगलच उधाण आलं आहे.

आज दुपारी शरद पवार यांचे बंगळूरू विमानतळावर आगमन झाले. त्यानंतर शिवकुमारांनी त्यांची भेट घेतली. याबाबत डी. के. शिवकुमार यांनी स्वत: ट्विटरवरून माहिती दिली आहे. या भेटीचा फोटोही त्यांनी ट्विट केला आहे. दरम्यान, ही सदिच्छा भेट असल्याचं NCP कडून सांगितलं जात आहे.

दरम्यान, शिवकुमार हे काँग्रेसमधील (Congress) एक मोठे नेते असून सध्या त्यांच्यामागे देखील ईडीचा ससेमिरा लागला असताना त्यांनी पवारांच जल्लोषात केलेलं स्वागतामुळे अनेक राजकीय विरोधकांच्या भुवया उंचावल्या आहेत.

Edited By - Jagdish Patil