Rajasthan News

राजस्थानमध्ये आज विधानसभेच्या १९९ जागांसाठी मतदान होत आहे. राज्यभर शांततेत मतदान पार पडत असताना फतेपूर शेखावटीमधून दोन गटात तणाव निर्माण झाल्याची माहिती समोर आली आहे. तणावातरम्यान दोन्ही गट एकमेकांना भिडल्यामुळे परिस्थिती नियंत्रणाबाहेर गेली आणि दोन्ही बाजूंनी तुफान दगडफेक करण्यात आली. दरम्यान पोलीस आणि निमलष्करी दलाच्या जवानांनी घटनास्थळी पोहोचून परिस्थिती नियंत्रणात आणली आहे.

जवळपास तासभर हा राडा सुरू होता. पोलिसांनी घटनास्थळी पोहोचून परिस्थिती नियंत्रणात आणली. पोलिसांना पाहून दगडफेक करणाऱ्यांनी तेथून पळ काढला. तासभर चाललेल्या या गोंधळामुळे मतदान थाबवण्यात आले होते. दरम्यान तणाव निवळल्यानंतर पुन्हा मतदान सुरू झाले. दोन्हीकडून झालेल्या दगडफेकीमुळे रस्त्यावर दगडांचा खच पडला होता. लोक घराच्या छतावरून देखील दगडफेक करताना दिसून आले. सध्या घटनास्थळी पॅरामिलीटरीचे जवान तैनात करण्यात आले आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राजस्थानमध्ये आज मतदान होत आहे. विधानसभेच्या २०० जागापैकी १९९ जागांवर मतदान प्रक्रीया सुरू आहे. काँग्रेसच्या उमेदवाराचे निधन झाल्यामुळे एका मतदारसंघातील मतदान स्थगित करण्यात आले आहे. दरम्यान मतदान शांततेत पार पाडवे यासाठी १ लाख २२९० सुरक्षारक्षक तैनात करण्यात आले आहेत. त्यामध्ये ६९, ११४ पोलीस, ३२, ८७६ होमगार्ड, फॉरेस्ट गार्ड, आरएसी आणि ७०० सीआरपीएफ जवानांचा समावेश आहे.