भरत मोहळकर, साम प्रतिनिधी
हे संसदेतील चित्र तुम्हाला यापुढं नेहमी पाहायला मिळू शकतं. कारण राहुल गांधी लोकसभेचे नवे विरोधी पक्षनेते बनलेत. कौन राहुल? असं मोदी राहुल गांधींविषयी चेष्टेने बोलले होते. त्यामुळेच एकेकाळी राहुल गांधींची अशी चेष्टा करणाऱ्या पंतप्रधान मोदींना आता राहुल गांधींना रोजच राम राम करावा लागणार असल्याचा टोला संजय राऊतांनी हाणलाय.
एरवी गरजेपेक्षा कोणालाही जास्त महत्व न देणाऱ्या पंतप्रधान मोदींनी चक्क राहुल गांधींशी हस्तांदोलन केल्याची चर्चा देशभर रंगलीय. पंतप्रधान मोदी आणि विरोधी पक्षनेते राहुल गांधींनी लोकसभेचे नवनिर्वाचित अध्यक्ष ओम बिर्ला यांना परंपरेप्रमाणे आसनाकडे घेऊन गेले. त्यावेळी चक्क पंतप्रधान मोदींनी राहुल गांधींशी हस्तांदोलन केलं.
त्यामुळे पप्पू म्हणून हिणवल्या जाणाऱ्या राहुल गांधींची विरोधी पक्षनेतेपदी निवड होताच त्यांचं संसदेतील वजन काय असणार याची प्रचिती आली. इंडिया आघाडीने लोकांचा आवाज बनण्यासाठी दिलेल्या जबाबदारीला राहुल गांधी कितपत न्याय देतात? आणि सरकारला कोंडीत कसं पक़डतात हे पाहणं महत्वाचं ठरणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.