Prashant Kishor News:

राजकीय रणनीतीकार प्रशांत किशोर यांनी रविवारी नीतीश कुमार यांच्या राजकीय भूमिकेवर मोठी भविष्यवाणी केली आहे. भाजप आणि जनता दल यूनाइटेड युती लोकसभा निवडणुकीनंतर टिकणार नाही, असं भाकीत प्रशांत किशोर यांनी केलं आहे. २०२५ साली होणाऱ्या बिहार विधानसभेआधी नितीश कुमार पुन्हा एकदा यू-टर्न घेतील, असं प्रशांत किशोर यांनी पुढे म्हटलं आहे. (Latest Marathi News)

मीडिया रिपोर्टनुसार, प्रशांत किशोर पुढे म्हणाले की, 'बिहारमध्ये लोकसभेचे एकूण ४० मतदारसंघ आहेत. २०१९ साली बिहारमध्ये भाजप आणि जदयू युतीने ३९ जागा जिंकल्या होत्या. २०२४ साली भाजप बिहारमधील लोकसभेच्या जागा गमावू इच्छित नाही. त्यामुळे नीतीश कुमार यांचं एनडीएमध्ये स्वागत केलं आहे'. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

'भाजपला त्यांच्या बिहारमधील वाढत्या प्रभावाविषयी विश्वास आहे. भाजपला असं वाटतंय की, ते विधानसभा निवडणुकीत मोठी भूमिका बजावू शकतात. नितीश कुमार यांना भीती आहे की, ते राष्ट्रीय जनता दलासबोत गेलं तर २०२४च्या लोकसभा निवडणुकीत जास्त जागा जिंकता येणार नाही, असे प्रशांत किशोर म्हणाले.

विधानसभा निवडणुकीआधी नितीश कुमारांचा पुन्हा यूटर्न?

२०२० साली झालेल्या विधानसभा निवडणुकीत भाजपला ७४ जागा मिळाल्या होत्या. तर राष्ट्रीय जनता दलाला ७५ जागा मिळाल्या होत्या. तर दुसरीकडे जनता दल यूनाइटेडला ४३ जागा मिळाल्या होत्या.