Morocco Big Earthquake Viral Videos Saam TV
देश विदेश

Earthquake Video: मोरोक्कोमध्ये सर्वात मोठा भूकंप, आतापर्यंत २९६ जणांचा मृत्यू; शेकडो इमारती कोसळल्या, पाहा VIDEO

Morocco Big Earthquake: या भूकंपात शेकडो घरे कोसळली असून आतापर्यंत २९६ लोकांचा मृत्यू झाल्याची माहिती आहे.

Satish Daud

Morocco Earthquake Video: आफ्रिकन देश म्हणून ओळखल्या जाणाऱ्या मोरक्कोमधून एक भयानक घटना समोर आली आहे. मोरोक्कोमध्ये शुक्रवारी रात्री ७.२ रिश्टर स्केल तीव्रतेचा मोठा भूकंप झाला आहे. या भूकंपात शेकडो घरे कोसळली असून आतापर्यंत २९६ लोकांचा मृत्यू झाल्याची माहिती आहे. तर १५३ लोक जखमी झाले आहेत. जखमींना उपचारासाठी दाखल करण्यात आलंय. (Latest Marathi News)

सध्या बचावकार्य जोमाने सुरू असून मृतांचा आकडा वाढण्याची भीती आहे. यूएस स्टेट जिओलॉजिकल सर्व्हेनुसार, गेल्या १२० वर्षातील हा सर्वात शक्तिशाली भूकंप (Earthquake) आहे. या भूकंपाशी संबंधित अनेक व्हिडिओ सोशल मीडियावर वेगाने व्हायरल होत आहेत. ज्यामध्ये लोक धावताना दिसत आहेत.

यूएस जिओलॉजिकल सर्व्हेनुसार, या भूकंपाचा केंद्रबिंदू पर्यटनासाठी प्रसिद्ध असलेल्या मराकेश शहरापासून ७१ किमी दक्षिण-पश्चिमेस १८.५ किमी खोलीवर होता. स्थानिक वेळेनुसार रात्री ११ वाजेच्या सुमारास येथे भूकंपाचे धक्के जाणवले. या भूकंपामुळे सर्वाधिक नुकसान शहराबाहेरील जुन्या भागाचे झाले आहे.

मोरोक्कोच्या अनेक नागरिकांनी सोशल मीडियावर त्याच्याशी संबंधित व्हिडिओ आणि फोटो देखील पोस्ट केली आहेत, ज्यामध्ये इमारती कोसळल्यानंतर धुळीचे ढग पाहायला मिळत आहेत. दरम्यान, मोरक्कोमधील या भूकंपामुळे संपूर्ण देशभरातून भावनिक प्रतिक्रिया येत आहेत. पंतप्रधान नरेंद्र मोदी यांनी सुद्धा आपल्या संवेदना व्यक्त केल्या आहेत.

"मोरोक्कोमध्ये भूकंपामुळे झालेल्या जीवितहानीमुळे अत्यंत दु:ख झाले आहे. या घटनेत ज्या नागरिकांनी आपल्या प्रियजनांना गमावले आहे त्यांच्याबद्दल शोक व्यक्त करतो. जखमी लवकरात लवकर बरे व्हावेत. या कठीण काळात मोरोक्कोला शक्य ती सर्व मदत देण्यासाठी भारत तत्पर आहे", असं ट्वीट पंतप्रधान नरेंद्र मोदी यांनी केलं आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Wedding Mundavalya Ritual: लग्नात नवरा व नवरीला मुंडावळ्या आणि बाशिंग का बांधतात? यामागील कारण काय?

Maharashtra Live News Update: भंडाऱ्यात अजित पवारांच्या राष्ट्रवादीची एकाच प्रभागात पती - पत्नीला उमेदवारी

Prajakta Gaikwad Wedding Video : सनईचे घुमले सूर...; प्राजक्ता गायकवाडची लगीनघाई, हातात भरला हिरवा चुडा

Kolhapur : पन्हाळगडाच्या पायथ्याशी ढगांची मखमली दुलई, कोल्हापूरमध्ये स्वर्गच अवतरला; VIDEO पाहतच राहाल

Famous Actor Death: प्रसिद्ध अभिनेत्याचा घराच्या छतावरून पडून मृत्यू; मनोरंजन विश्वात शोककळा

SCROLL FOR NEXT