Poland Parliament Smog

भारताच्या संसदेत सुरक्षा भेदून दोन तरुणांनी धुराच्या नळकांड्या फोडल्यानंतर सुरक्षेचा प्रश्न ऐरणीवर आला असतानाच असाच प्रकार पोलंडच्या संसदेतही घडला आहे. ज्यू समुदायासाठी संसदेत आयोजित हनुक्का कार्यक्रमात एका डाव्या विचारसरणीच्या व्यक्तीने कार्यक्रमाला विरोध करत जवळच असलेल्या अग्निशमन यंत्राने मेनबत्या विझवायला सुरुवात केली. त्यामुळे संसदेच्या संपूर्ण सभागृहात धूर पसरला आणि खासदारांना श्वास घेणेही मुश्कील झाले, त्यामुळे तोडांला रुमाल लावून खासदारांनी संसंदेबाहेर पळ काढला. आजतकने या संदर्भात वृत्त दिलं आहे

ब्रॉन असं या व्यक्तीचं नावं असून पोलिश संसदेचे उजव्या विचारसरणीचे खासदार ग्रेगोर्झ ब्रॉन यांनी ज्यू समुदायासाठी संसदेच्या लॉबीत या कार्यक्रमाचं आयोजन केलं होतं. दरम्यान या व्यक्तीच्या कृत्यामुळे सभागृहात गदारोळ पहायला मिळाला. त्यानंतर या व्यक्तीला तेथे तैनात असलेल्या सुरक्षा कर्मचाऱ्यांनी त्याला पकडले आणि सभागृहातून बाहेर काढले. या घटनेचा व्हिडिओ सध्या सोशय मीडियावर तुफान व्हायरल होत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान सभागृहात मोठ्या प्रमाणात धूर झाल्यामुळे संसद सदस्यांना श्वास घेणेही मुश्कील झाले. त्यामुळे सर्व खासदारांनी तोंडाला रुमाल लावत सभागृहातून काढता पाय घेतला. यावद्दल ब्रॉनला विचारलं असता, तो म्हणाला की, अशा प्रकारच्या कार्यक्रमांमध्ये लोक सहभागी होतात. त्यांनी याबद्दल खेद वाटला पाहिजे. असे उत्सव शैतानी असतात असा दावा त्याने केला आहे.