PM Kisan Samman Nidhi Yojana 14th Installment Update: केंद्र सरकार शेतकऱ्यांना दरवर्षी 6,000 रुपयांची आर्थिक मदत देते. प्रधानमंत्री किसान सन्मान निधी म्हणजेच  पीएम किसान योजनेंतर्गत ही रक्कम त्यांच्या खात्यात हस्तांतरित केली जाते.

दर 4 महिन्यांच्या अंतराने 2-2 हजार रुपये 3 हप्त्यांमध्ये शेतकऱ्यांच्या खात्यावर पाठवले जातात. सध्या या योजनेचे 13 हप्ते जारी करण्यात आले आहेत. आता पुढील हप्ता मे किंवा जून महिन्यात शेतकऱ्यांच्या खात्यावर जमा होईल, अशी शक्यता वर्तवली जात आहे.  (Latest Marathi News)

लाभार्थी यादीतून शेतकऱ्यांची नावे का वगळली जात आहेत?

या योजनेच्या 13व्या हप्त्यात 8 कोटींहून अधिक शेतकऱ्यांना याचा फायदा झाला आहे. सध्या शेतकऱ्यांच्या जमिनीच्या नोंदींची पडताळणी सुरू आहे. ही नोंदणी चुकल्याने अनेक शेतकऱ्यांची नावे लाभार्थी यादीतून वगळण्यात येत आहेत.

याशिवाय ज्या शेतकऱ्यांनी ई-केवायसीची प्रक्रिया पूर्ण केली नाही, त्यांना पीएम किसान योजनेचे पुढील हप्तेही नाकारले जात आहेत. (FARMERS NEWS)

या शेतकऱ्यांनाच मिळणार योजनेचा लाभ

जे शेतकरी सरकारी नोकरी करत नाहीत आणि प्राप्तिकर भरत नाहीत, तेच या योजनेचा लाभ घेऊ शकतात. ही योजना सर्व राज्ये आणि केंद्रशासित प्रदेशांमध्ये लागू आहे. नियमांनुसार कुटुंबातील एका सदस्यालाच या योजनेचा लाभ मिळू शकतो. इतर सदस्यांना या योजनेचा लाभ दिला जाणार नाही. तुम्ही अधिकृत वेबसाइटला भेट देऊन पंतप्रधान किसान योजनेसाठी पात्र आहात की नाही हे देखील तपासू शकता.

प्रधानमंत्री किसान योजनेशी संबंधित कोणत्याही प्रकारच्या समस्येसाठी शेतकरी pmkisan-ict@gov.in या ईमेल आयडीवर संपर्क साधू शकतात. तुम्ही प्रधानमंत्री किसान योजनेच्या हेल्पलाइन क्रमांक- 155261 किंवा 1800115526 (टोल फ्री) किंवा 011-23381092 वर संपर्क साधू शकता.