Madhya Pradesh News: निर्भया सामूहिक बलात्काराच्या घटनेमुळे काही वर्षांपूर्वी संपूर्ण देश हादरुन केला होता. आता पुन्हा एकदा अशीच एक काळीज सुन्न करणारी घटना समोर आली आहे. या घटनेत १० वर्षांच्या अल्पवयीन चिमुकलीवर सामूहीक अत्याचार करण्यात आलाय. आरोपींनी निर्भया प्रमाणे या चिमुकलीसोबत देखील क्रूरतेचा कळस गाठलाय. (Latest Madhya Pradesh Crime News)

अधिक माहिती अशी की, मध्य प्रदेशच्या सतना जिल्ह्यात ही घटना घडलीये. नराधमांनी १० वर्षांच्या मुलीवर सामूहिक अत्याचार केल्यानंतर तिच्या शरीरावर दातांनी चावा घेतला आहे. दातांचे वन चिमुकलीच्या शरीरावर उमटलेत. तसेच त्यांनी निर्भया प्रमाणे चिमुकलीच्या प्रायवेट पार्टमध्ये लाकडी काठी घुसवल्याची माहिती देखील समोर आलीये.

आजतकच्या रिपोर्टनुसार, पोलिसांनी या बाबत अधिक माहिती देत म्हटलं की, दोन्ही आरोपी मंदिर व्यवस्थापनात रोजंदारीवर काम करतात. गुरुवारी दुपारी २ वाजेच्या सुमारात नराधम १० वर्षांच्या चिमुकलीला शारदा मंदिर परिसरातील डोंगराळ भागात घेऊन गेले होते. चिमुकलीला खाऊ आणि खेळणी देणार असं म्हणत त्यांनी तिला डोंगराळ भागात नेलं.

रविंद्र आणि अतूल अशी दोन्ही आरोपींची नावे आहेत. दोघेही ३० वर्षांचे असून पोलिसांनी त्यांना ताब्यात घेतलं आहे. तसेच १४ दिवसांची न्यायालयीन कोठडी सूनावण्यात आली आहे. या घटनेनंतर मंदिरातून या दोघांना नोकरीवरुन देखील काढून टाकण्यात आलं आहे.

या घटनेवर नाराजी व्यक्त करत मुख्यमंत्री शिवराज सिंह चौहान यांनी पोलिसांना कडक कारवाईचे निर्देश दिले आहेत. त्यांनी मुलीवर चांगले उपचार करण्याचे आदेश दिलेत.