Philippines Boat Fire Latest News : दक्षिण फिलीपीन्समध्ये मोठी दुर्घटना घडली आहे. दक्षिण फिलीपीन्समध्ये २५० प्रवाशांनी खचाखच भरलेल्या जहाजाला आग लागल्याची घटना घडली आहे. आग लागल्यानंतर जहाज पाण्यात बुडाल्याची माहिती समोर आली आहे. या घडलेल्या दुर्घटनेत ३१ जणांचा मृत्यू झाल्याची माहिती हाती आली आहे. या घटनेने दक्षिण फिलीपीन्समध्ये एकच खळबळ उडाली आहे. (Latest Marathi News)

फिलीपीन्समधील बेसिलनच्या दक्षिण द्विपचे राज्यपाल जिम हटामन यांनी सांगितले की, जहाजाला आग लागल्यानंतर काही प्रवाशांनी पाण्यात उड्या मारल्या आहेत. पाण्यात उडी मारलेल्या या प्रवाशांना नौदल आणि मच्छीमारांसहित अन्य दलाच्या मदतीने बाहेर काढण्यात आले आहे.

'या दुर्घटनेनंतर पाण्यात उड्या मारलेले ७ जण बेपत्ता झाले आहेत. बेपत्ता झालेल्या ७ प्रवाशांचा शोध सुरू आहे. या दुर्घटनेत पाण्यात बुडालेली जहाज बसलिन किनाऱ्यावर आणण्यात आली आहे. तर एका जहाजाच्या माध्यमातून १८ मृतदेह किनाऱ्यावर आणण्यात आले आहेत, असेही ते म्हणाले.

घटनेचा शोध सूरू

हटामन यांनी पुढे सांगितले की, 'जहाजाला आग (Fire) नेमकी कशी लागली, याचा तपास सुरू करण्यात आला आहे. तसेच या जहाजावरील अतिरिक्त प्रवाशांची माहिती मिळाली नाही. जहाज हे जांबोआंगा येथून सुलू या शहराकडे चालले होते. या दुर्घटनेत २३ जण जखमी झाले आहेत.