नवी दिल्ली : गेल्या काही दिवसांपासून आंतराष्ट्रीय बाजारात कच्चा तेलाच्या किमतीत चढ-उतार होत आहे. गेल्या 24 तासातही आंतराष्ट्रीय बाजारात कच्च्या तेलाच्या (Crud Oil) किंमतीत लक्षणीय घट झाली. ब्रेंट क्रूड 3 महिन्यांत दुसऱ्यांदा प्रतिबॅरेल 100 डॉलरच्या खाली आले आहे. कच्च्या तेलाच्या दरात घसरण होताच भारतीय पेट्रोलियम कंपन्यांनी पेट्रोल-डिझेलचे (Petrol-Diesel) दर जारी केलेत. (Petrol Diesel Latest Price Today)

कच्च्या तेलाच्या सततच्या घसरणीच्या पार्श्वभूमीवर भारतीय सरकारी तेल कंपन्यांनी बुधवारी पेट्रोल डिझेलचे किरकोळ दर जारी केले. त्यानुसार आज सुद्धा पेट्रोल आणि डिझेलच्या दरात कोणताही बदल झालेला नाही. दिल्लीत अजूनही पेट्रोल 96.72 रुपये प्रतिलिटर मिळत आहे. विशेष बाब म्हणजे 6 एप्रिलपासून कंपन्यांनी त्याच्या किंमती वाढवल्या नाहीत.

काही दिवसांपूर्वी आंतरराष्ट्रीय बाजारात कच्च्या तेलाच्या किंमती प्रति बॅरल 140 डॉलरच्या वर गेल्या होत्या. मंगळवारी सकाळी जागतिक बाजारात ब्रेंट क्रूडची किंमत प्रतिबॅरेल 105.9 डॉलर इतकी होती. जी आज प्रति बॅरल 99.7 डॉलर इतकी झाली आहे. (Petrol Diesel Price Today)

4 प्रमुख महानगरांमधील पेट्रोल-डिझेलचे दर

मुंबई - मुंबईत पेट्रोल 109.27 रुपये आणि डिझेल प्रतिलिटर 95.84 रुपयांनी विकलं जातंय.

दिल्ली - दिल्लीत पेट्रोलचा दर प्रतिलिटर 96.72 आणि डिझेलचा दर 89.62 इतका आहे.

चेन्नई - चेन्नईत पेट्रोल 102.63 रुपये प्रतिलिटर आणि डिझेल 94.24 रुपये प्रतिलिटर इतक्या दराने विकलं जातंय.

कोलकाता - कोलकत्यामध्ये पेट्रोलचा दर प्रतिलिटर 106.03 रुपये आणि डिझेल दर प्रतिलिटर 92.76 रुपये इतका आहे.

Edited By - Satish Daud