नवी दिल्ली : गेल्या काही दिवसांपासून आंतरराष्ट्रीय बाजारात कच्चा तेलांच्या (Crud Oil) किंमतीत सातत्याने वाढ होत आहे. मंगळवारी सकाळी पुन्हा कच्चा तेलाच्या किंमतीत वाढ झाली. त्यामुळे कच्चा तेलांच्या किंमती प्रतिबॅरेल 122 डॉलरच्या पार गेल्या आहेत. दुसरीकडे कच्चा तेलांच्या किंमतीत वाढ होताच भारतीय पेट्रोलियम कंपन्यांनी पेट्रोल-डिझेलचे (Petrol-Diesel) दर जाहीर केले आहे. (Petrol Diesel Price Today in Mumbai Maharastra)

मंगळवारी सकाळी पेट्रोलियम कंपन्यांनी जाहीर केलेल्या नवीन दरांनुसार, पेट्रोल-डिझेलच्या दरांत कोणताही बदल करण्यात आला नाही. पेट्रोल-डिझेलचे दर स्थिर आहेत. नुकतेच केंद्र सरकारने पेट्रोल आणि डिझेलचे दर कमी करण्याची घोषणा केली होती. यानंतर पेट्रोलच्या दरात कमाल 9 रुपयांनी तर डिझेलच्या दरात 7 रुपयांनी घट झाली आहे.

आंतरराष्ट्रीय बाजारात वाढत असलेले कच्च्या तेलाचे भाव पाहता भारतात लवकरच पेट्रोल-डिझेलच्या दरात वाढ होण्याची शक्यता आहे. जागतिक बाजारात कच्च्या तेलाचे दर गगनाला भिडले आहेत.येत्या काळात त्यामध्ये आणखी वाढ होणार असल्याचे संकेत मिळत आहेत.

दरम्यान, सोमवारी सकाळी जारी करण्यात आलेल्या नव्या दरानुसार दिल्लीमध्ये पेट्रोलचा दर प्रति लिटर 96.72 रुपये इतका आहे. तर डिझेलचा दर प्रति लिटर 89.62 रुपये आहे. मुंबईमध्ये पेट्रोलचा दर प्रति लिटर 109.27 रुपये असून, डिझेलचा दर प्रति लिटर 97.28 रुपये एवढा आहे.

4 प्रमुख महानगरांमधील पेट्रोल-डिझेलचे दर

मुंबई - मुंबईत पेट्रोल 109.27 रुपये आणि डिझेल प्रतिलिटर 95.84 रुपयांनी विकलं जातंय.

दिल्ली - दिल्लीत पेट्रोलचा दर प्रतिलिटर 96.72 आणि डिझेलचा दर 89.62 इतका आहे.

चेन्नई - चेन्नईत पेट्रोल 102.63 रुपये प्रतिलिटर आणि डिझेल 94.24 रुपये प्रतिलिटर इतक्या दराने विकलं जातंय.

कोलकाता - कोलकत्यामध्ये पेट्रोलचा दर प्रतिलिटर 106.03 रुपये आणि डिझेल दर प्रतिलिटर 92.76 रुपये इतका आहे.

Edited By - Satish Daud