(१ - तुम्ही कोणाची रोटी खातायत..

२- महाराष्ट्र से बाहर आओ पटक पटके मारेंगे..

३- तामिळनाडू,मध्यप्रदेश ओ भी पटक पटके मारेंगे..

४ - मुंबईत केवळ 30% मराठी...)

मराठी माणसाविरोधात गरळ ओकणाऱ्या भाजप खासदार निशिकांत दुबेंची गेल्या महिन्याभरातील ही विधानं.. मराठी माणसाला चीड आणणारी ही विधानं दुबेंकडून वारंवार केली जातायत. मुंबईत केवळ 30 % मराठीत आहेत, असं म्हणत राज आणि उद्धव ठाकरेंचं राजकारण संपणार असल्याचं वादग्रस्त विधान दुबेंनी केलयं. दुबेंच्या या विधानाचा संजय राऊतांनी चांगलाच समाचार घेतलाय.

मुंबईत वेगवेगळ्या भाषिकांची टक्केवारी नेमकी किती आहे? पाहूयात....

मराठी - 40 टक्के

गुजराती - 20 टक्के

उत्तर भारतीय - 16 टक्के

मुस्लीम - 15 टक्के

दक्षिण भारतीय- 6 टक्के

इतर भाषिक- 3 टक्के

दरम्यान खासदार निशिकांत दुबेंचा बोलविता धनी कोण? असा सवाल उपस्थित करत मुंबईत आल्यावर दुबेंचं मनसे स्टाईल स्वागत करू, असा इशाराही मनसेच्या संदीप देशपाडेंनी दिलाय. सातत्यानं महाराष्ट्र आणि मराठीवरून वादग्रस्त विधान करणाऱ्या दुबेंचा बोलविता धनी कोण आहे? दुबेंच्या विधानांना आवर घालणं पक्षश्रेष्ठी का जमत नाहीय? ही विधान स्थानिक स्वराज्य संस्थांच्या निवडणुकीत भाजपला अडचणीत आणणार का? हे बघणं महत्वाचं असेल.