सोशल मीडियावर लग्नसोहळ्यातील व्हिडिओ पाहण्याची क्रेझ दिवसेंदिवस वाढत आहे. नेटकरी असे व्हायरल व्हिडिओ पाहणे पसंत करताना दिसत आहेत. अशातच नवरा-बायकोचा व्हिडिओ पाहण्याची गोष्टच वेगळी आहे. नेटकऱ्यांची मनं जिंकण्यासाठी वधू तिच्या दिलखेचक अदांनी मनोरंजन करत असते. तर कधी कपल त्यांच्या धमाकेदार (Dance video) डान्सच्या व्हिडिओनं इंटरनेटवर जलवा करताना दिसतात. पण, आता एक असा व्हिडिओ समोर आला आहे, ज्या व्हिडिओला पाहून सर्वांनाच धक्का बसला आहे. खरंतर, नवरा-बायको डीजेच्या तालावर थिरकत असताना अचानक एक अपघात होतो आणि लोकांना धक्काच बसतो. (Newly married couple dance video viral on social media)

काय घडलं नेमकं?

व्हायरल झालेल्या व्हिडिओत नवरा-बायको डीजे लावल्यानंतर डान्स करत असतात. डान्स फ्लोअर वर जोरदार म्यूजिक सिस्टमचा आनंद लुटताना अचानक त्यांच्या अंगावर एक मोठा स्पीकर पडतो. त्यानंतर दोघंही खडबडून जागे होतात आणि डान्सच्या दुनियेतून बाहेर पडतात.त्यानंतर शेजारी असलेली लोकं तातडीनं स्टेजवर धाव घेतात आणि परिस्थितीचा आढावा घेतात. दरम्यान, या अपघातात नवख्या दाम्पत्याला कोणत्याही प्रकारची दुखापत झाली नाहीय.

लग्नसोहळ्यातील हा व्हिडिओ सोशल मीडियावर तुफान व्हायरल झाला आहे. काहींना हा व्हिडिओ मजेशीर वाटल्यानं त्यांनी स्माईली इमोजीनं रिअॅक्ट केलं आहे. इंन्स्टाग्रामवर हा व्हिडिओ gyanendra_703 नावाच्या युजरनं शेअर केला आहे. त्यानंतर त्याने कॅप्शन मध्ये लिहिलं, व्हिडिओ पाहून मनोरंजन झालं.