इंदौर - कोरोना प्रार्दुभाव देशात आता दिवसेंदिवस कमी होत असल्याचे चित्र दिसून येत आहेत. कोरोनाची रुग्णसंख्या देखील नियंत्रणात आली आहे. मात्र अशातच एक चिंता वाढवणारी बातमी समोर आली आहे. इंदौरमध्ये जीनोम सिक्वेन्सिंग तपास अहवालात कोरोनाचे AY-4 चे नवीन व्हेरिएंट आढळून आले आहे. हा डेल्टाचाच एक नवीन व्हेरिएंट असल्याचे बोलले जात आहे.

हे देखील पहा -

इंदौरसह मध्य प्रदेशातून नवी दिल्लीत पाठवण्यात आलेल्या नमुन्याच्या चाचणी अहवालात नव्या व्हेरिएंटची आतापर्यंत 7 प्रकरणे आढळून आली आहे.

इंदौरमध्ये सध्या दररोज १ ते २ कोरोनाचे रुग्ण आढळून येत आहेत. त्यांचे नमुने तपासणीसाठी दिल्लीला पाठवण्यात आले होते. 16 ऑक्टोबरच्या अहवालात ७ नमुन्यांमध्ये हा नवा व्हेरिएंट आढळून आला आहे. त्यापैकी तीन महू, दोन जण न्यू पलासिया आणि एक दुबेची बाग येथील असल्याची माहिती समोर आली आहे. दरम्यान,१ ऑक्टोबर पर्यंतच्या अहवालात, १३ नमुन्यांपैकी एका नमुन्यात AY-4 आणि चार नमुन्यांमध्ये AY-12 व्हेरिएंट आढळून आला आहे.

Edited By - Shivani Tichkule