नेपाळमध्ये नवीन सरकार सत्तेवर आल्यापासून सातत्याने सुधारणा होत आहेत. आता नेपाळ सरकारन सरकारी नोकरदाराबाबत मोठा निर्णय घेतला आहे. सरकारी कर्मचाऱ्यांना आता दोन महिन्यांचे पगार मिळतील, अशी घोषणा नेपाळ सरकारच्या अर्थमंत्र्यांनी केली आहे. एजन्सीच्या माहितीनुसार, नेपाळी सरकारी अधिकाऱ्यांनी पुष्टी केली आहे.

बालेन सरकारने १७ एप्रिल रोजी या निर्णयाला मंजुरी दिली आहे. आतापासून नेपाळी सरकारी कर्मचारी, पोलीस आणि इतर कर्मचाऱ्यांना त्यांचा पगार दर १५ दिवसांनी मिळणार आहे. नेपाळी अधिकाऱ्यांनुसार अर्थव्यवस्थेला पुनरुज्जीवित करण्याच्या प्रयत्नांचा एक भाग म्हणून सरकारने हा निर्णय घेतला आहे. सरकारचा असा विश्वास आहे की, महिन्यातून दोनदा पगार दिल्यास कर्मचाऱ्यांचा खर्च वाढू शकतो, ज्यामुळे बाजारात अधिक पैसा येईल आणि तरलता सुधारेल. नेपाळी कर्मचाऱ्यांच्या पगाराचे नियमन करणाऱ्या संस्थेनेही बालेन सरकारच्या या निर्णयावर एक निवेदन जारी केले आहे.

एफसीजीओचे प्रवक्ते दीपक लामिछाने म्हणाले, "तांत्रिकदृष्ट्या, ही प्रणाली लागू करण्यात आम्हाला कोणतीही अडचण नाही." आम्ही नागरी सेवक, नेपाळ सैन्य, पोलीस, सशस्त्र पोलीस दल आणि इतर सरकारी कर्मचाऱ्यांचे पगार कधीही देऊ शकतो." मात्र, या नवीन निर्णयाची अंमलबजावणी करण्यासाठी कायद्यात दुरुस्ती करावी लागेल, यावरही त्यांनी भर दिला आहे.

नेपाळी संविधानानुसार, प्रत्येक सरकारी कर्मचाऱ्याला महिन्याच्या शेवटी पगार देणे बंधनकारक आहे. सरकार या निर्णयासाठी कटिबद्ध असून लवकरच त्याची अंमलबजावणी करण्याचा मार्ग काढला जाईल,असे लामिछान म्हणालेत.