महिलांवरील अन्याय अत्याचाऱ्याच्या घटना अद्यापही थांबलेल्या नाहीत. अनेक कुटुंबांमध्ये सासू-सुनेची कडाक्याची भांडणं होत असतात. या भांडणांमध्ये घरातील सूनेला थेट घराबाहेर देखील काढले जाते. अशात आग्रामधून असाच काहीसा प्रकार समोर आला आहे. सासूने सुनेचा मेकअप किट वापरल्यानंतर सुनेनं स्वत: आपल्या पतीकडे घटस्फोट मागितला आहे.
काही दिवसांपूर्वी महिला आणि तिची बहिण या दोघींचा मलपूरा येथे राहणाऱ्या कुंटुंबातील दोन भावांसह विवाह झाला. सासू-सुनेच्या भांडणानंतर पतीने पत्नीला आणि तिच्या बहिणीला घरातून बाहेर काढले आहे. गेल्या २ महिन्यांपासून या दोघीही त्यांच्या माहेरी राहत आहेत. त्यामुळे आता महिला घटस्फोट घेण्याच्या निर्णयावर ठाम आहे.
महिलेने आपली बाजू मांडताना म्हटलं आहे की, माझ्या सासू सतत माझ्याशी वाद घालतात. त्या बाहेर जाताना कधीही मेकअप करत नाहीत. मात्र त्या दिवशी त्या बाहेरही जाणार नव्हत्या तरी त्यांनी माझं मेकअपचं सामान वापरलं. त्या मेकअप करून घरातच बसल्या होत्या. त्यामुळे मला राग आला आणि मी त्यांना याबाबत विचारलं.
त्यांच्यात आणि माझ्यात मेकअप किटवरून वाद झाले. त्यानंतर त्यांनी पतीला माझ्याबदद्ल सांगितले. पतीने माझे काहीही न ऐकता आपल्या आईची बाजू घेतली. त्यानंतर माझ्यावर अत्याचार करत वाईट वागणूक देण्यास सुरुवात केली. तसेच मला आणि माझ्या बहिणीला घराबाहेर काढले. त्यामुळे मला घटस्फोट हवा आहे, असं महिलेने आपली बाजू मांडताना म्हटलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.