देशात मागील काही दिवसांत पेट्रोल-डिझेल, सीएनजीच्या किमतीत वाढ झाली आहे. पंतप्रधान नरेंद्र मोदी यांनी पश्चिम आशियातील तणावजन्य परिस्थितीच्या पार्श्वभूमीवर इंधनाचा वापर जपून करण्याचं आवाहन केलं आहे. त्यानंतर आता अर्थ मंत्रालयाने सरकारी बँका, विमा कंपनी आणि इतर खासगी संस्थांना खर्च कमी करण्याचे निर्देश दिले आहेत.

रॉयटर्सच्या रिपोर्टनुसार, सरकारने आदेश देत खर्च कमी करण्यासं सांगितलं आहे. अधिकाऱ्यांना विदेश यात्रा कमी करण्याचे आदेश दिले आहेत. बैठकांसाठी व्हिडिओ कॉन्फेरन्सचा अधिक उपयोग करण्याचे आदेश दिले आहेत. तसेच इलेक्ट्रॉनिक वाहनांचा वापर करण्यास सांगितलं आहे. सरकारचा आदेश हा स्टेट बँक ऑफ इंडिया, बँक ऑफ बडोदा, भारतीय जीवन विमा महामंडळासहित इतर खासगी संस्थांना निर्देश लागू असणार आहे.

सरकारने खर्चात कपात करण्यासाठी सर्व बैठक, कामाचं परीक्षण, सूचना सुचवण्यासाठी व्हिडिओ कॉन्फरन्सिंगच्या माध्यमातून बैठका आयोजित करण्यास सांगितल्या आहेत. सरकारने इलेक्ट्रॉनिक वाहनांचा वापर अधिक करण्याच्या सूचना दिल्या आहेत. सरकारच्या आदेशात म्हटलं की, 'हेडक्वार्टर आणि ब्रँचने करार केलेल्या पेट्रोल आणि डिझेलच्या वाहनांच्या ऐवजी आता इलेक्ट्रॉनिक वाहनांचा वापर करण्याच्या सूचना दिल्या आहेत.

तत्पूर्वी, पंतप्रधान नरेंद्र मोदी यांनी आवाहन करत अधिकाऱ्यांना देशातील नागरिकांना कोरोना काळातील उपाय योजना सूचवल्या आहेत. वर्क फ्रॉम होम, ऑनलाइन बैठका आणि व्हिडिओ कॉन्फरन्सिंग करण्यास सांगितल्या आहेत. देशहितासाठी निर्णय घ्या, असं आवाहन मोदींनी केलं.

'कच्च्या तेलाच्या किमतीत वाढ झालीये. जागतिक अस्थिरतेमुळे देशाच्या परकीय चलन साठ्यावर दबाव येत असल्याचे पंतप्रधान नरेंद्र मोदींनी म्हटलंय. होर्मुझची सामुद्रधुनी आणि तेल आयातीवरील अडथळे यामुळे भारताची चिंता वाढल्याचे सांगण्यात येत आहे.