महाराष्ट्रातील नीट पेपर फुटी प्रकरणी दिल्लीतील जंतर मंतर येथे ३६ दिवस विद्यार्थ्यांनी आंदोलन केले. या आंदोलनाला शांत करण्यासाठी पंतप्रधान मोदी यांनी सोशल मीडियावर व्हिडिओ पोस्ट करत विद्यार्थ्यांना आवाहन केलं होत. त्यानंतर मोदींचे हे व्हिडिओ Gen Z साठी कंटेन्ट तयार झाला. या व्हिडिओंची देशभर चर्चा सुरु असतानाच एक व्हिडिओ मेटाकडून डिलीट करण्यात आला होता. यावर मेटाने ते चुकून झाल्याचा दावा केला आहे.

सोशल मीडिया प्लॅटफॉर्मवर पंतप्रधान नरेंद्र मोदी यांनी शेअर केलेला एक महत्त्वाचा व्हिडिओ काही काळासाठी भारतात पाहता येत नसल्याने मोठी चर्चा रंगली. मोदींनी हा व्हिडिओ तरुणाईसाठी बनवला होता. हा व्हिडिओ रात्रीच्या सुमारास अपलोड केल्यानंतर, मध्यरात्री १.२५ वाजताच्या सुमारास अनेक युजर्सनी व्हिडिओ उघडण्याचा प्रयत्न केला असता, " हा व्हिडिओ भारतात उपलब्ध नाही," असा मेसेज यूजर्सना फेसबुकवर दिसत होता. त्यामुळे सोशल मीडियावर विविध प्रतिक्रिया उमटल्या आणि हा व्हिडिओ डिलीट का केला? या बाबात प्रश्न उपस्थित करण्यात आले. मात्र मेटाकडून कोणतेही स्पष्टीकरण आले नसल्याने युजर्समध्ये नाराजी निर्माण झाली होती. अखेर मेटाने यावर उत्तर दिले असून त्यांनी चूक मान्य केली आहे.

त्यावर मेटाने प्रतिक्रिया देत सांगितले की, पंतप्रधान नरेंद्र मोदी यांचा व्हिडिओ तांत्रिक कारणामुळे चुकून प्रतिबंधित करण्यात आला होता. ही चूक लक्षात येताच संबंधित कारवाई तातडीने दुरुस्त करण्यात आली असून व्हिडिओ पुन्हा सर्वांसाठी उपलब्ध करून देण्यात आला आहे.

त्यावर मेटाने प्रतिक्रिया देत सांगितले की, पंतप्रधान नरेंद्र मोदी यांचा व्हिडिओ तांत्रिक कारणामुळे चुकून डीलीट करण्यात आला होता. ही चूक लक्षात येताच तातडीने दुरुस्त करण्यात आली असून व्हिडिओ पुन्हा सर्वांसाठी उपलब्ध करून देण्यात आला आहे. मेटाच्या या स्पष्टीकरणानंतर वाद काही प्रमाणात निवळला असला, तरी एवढ्या महत्त्वाच्या अधिकृत पोस्टवर अशी चूक कशी घडली, याबाबत अनेकांनी प्रश्न उपस्थित केले आहेत.