मथुरा - दिल्ली महामार्गावरील रूनकता फ्लायओव्हरवर भीषण अपघाताची घटना घडली आहे. कंटेनर समोरून येणाऱ्या ट्रकला धडकली. या भीषण अपघातात ४ जणांचा मृत्यू झाल्याची माहिती समोर आली आहे. या भीषण अपघातानंतर महामार्गावर काही काळ गोंधळ उडाला होता. बराच वेळ वाहतूक कोंडी देखील झाली होती. सध्या पोलिसांकडून पुढील तपास सुरू आहे.

शनिवारी रात्रीच्या सुमारास ही दुर्देवी घटना उघडकीस आली. मथुरा - दिल्ली महामार्गावर हा भीषण अपघात घडला. रूनकता फ्लायओव्हरवर कंटेनर आग्र्याहून मथुरेच्या दिशेनं जात होती. कंटेनरच्या समोरून ट्रक येत होते. कंटेनरची ट्रकला जोरदार धडक बसली. यानंतर काही काळ महामार्गावर गोंधळ उडाला.

या भीषण अपघातात ४ जणांचा जागीच मृत्यू झाला. मृतांची पटली आहे. विजेंद्र सिंग असे कंटेनर चालकाचे नाव आहे. या अपघातात त्यांचा मृत्यू झाला. त्यांच्यासोबत त्यांचा मुलगा देखील होता. पत्नी रीमा ठाकूर यांचाही या अपघातात मृत्यू झाला. यासह एका मुलाचा आणि एका व्यक्तीचाही मृत्यू झाला आहे. परंतु अद्याप त्यांची ओळख पटलेली नाही.

अपघातानंतर महामार्गावर गोंधळ उडाला होता. तसेच बराच वेळ वाहतूक कोंडी उडाली होती. अपघात घडल्यानंतर स्थानिकांनी धाव घेतली. तसेच पोलिसांना या भीषण अपघाताची माहिती दिली. माहिती मिळताच पोलिसांनी घटनास्थळी धाव घेतली. तसेच तपासाला सुरूवात केली. पोलिसांनी मृतदेह ताब्यात घेतले असून, शवविच्छेदनासाठी रूग्णालयात पाठवले आहे. हा अपघात नेमका कसा घडला? याचा तपास पोलिसांकडून सुरू आहे.