Narendra modi News: पतंप्रधान नरेंद्र मोदी यांनी रविवारी शहीदांच्या स्मरणार्थ मोठी घोषणा केली आहे. स्वातंत्र्य दिनाच्या आधीच नरेंद्र मोदी यांनी 'मेरी माटी, मेरा देश' या अभियानाची घोषणा पंतप्रधान नरेंद्र मोदी यांनी केली आहे. (Latest Marathi News)

पंतप्रधान नरेंद्र मोदी म्हणाले, 'शहीदांच्या स्मरणार्थ 'मेरी माटी मेरा देश' अभियान राबविण्यात येणार आहे. देशासाठी बलिदान देणाऱ्या शहीदांच्या स्मरणार्थ देशात विविध आयोजित केले जातील. देशातील लाखो ग्रामपंचायतींमध्ये विशेष शिलालेख बसविण्यात येणार आहे. तसेच 'मेरी माटी मेरा देश' या अभियानांतर्गत 'अमृत कलश यात्रा' काढण्यात येणार आहे. (Narendra Modi Latest News)

'पंतप्रधान नरेंद्र मोदी म्हणाले, 'देशभरातील गावा-गावांतून लोक ७५०० कलशात माती घेऊन 'अमृत कलश यात्रा' माध्यमातून दिल्लीत येणार आहे. त्याचबरोबर लोक वेगवेगळे रोपटे घेऊन येतील. राष्ट्रीय युद्ध स्मारकाजवळ कलशातील माती आणि झाडे टाकून 'अमृत वाटिका' बांधण्यात येईल, असेही मोदी यांनी यावेळी सांगितले.

पंतप्रधान नरेंद्र मोदी यांनी काय आवाहन केलं?

पंतप्रधान नरेंद्र मोदी म्हणाले, 'अमृत वाटिका 'एक भारत-श्रेष्ठ भारत' एक भव्य प्रतीक बनवण्यात येईल. मी गेल्या वर्षी लाल किल्ल्यावरून २५ वर्षांच्या अमृतकालसाठी निश्चय केला होता. तसेच मोदींनी देशाच्या पवित्र मातीची शपथ घेताना 'युवा डॉट गॉव डॉट इन' या वेबसाइटवर आपले सेल्फी अपलोड करण्याचे आवाहन केले.

यंदाही 'हर घर तिरंगा' मोहिम

पंतप्रधान मोदींनी गेल्यावर्षीप्रमाणे यावेळीही ''हर घर तिरंगा' मोहिमेत सहभागी होण्याचे आवाहन केले आहे. मोदी म्हणाले, ' प्रत्येक घराघरात तिरंगा फडकावयचा असून ही परंपरा पुढे चालू ठेवायची आहे. यामुळे देशाच्या स्वातंत्र्यासाठी दिलेल्या शहीदांच्या बलिदानाची जाणीव होईल, या मोहिमेत सर्वांनी सहभागी झाले पाहिजे'.