पेनसेल्व्हिनियामध्ये सर्वात जास्त वर्दळ असलेल्या मार्गावर गुरुवारी भल्या सकाळी भीषण अपघात झाला. एकापाठोपाठ एक अशी दहा वाहने एकमेकांना धडकून विचित्र अपघात झाला. या अपघातात अनेक जण जखमी झाल्याचे सांगण्यात येत आहे.
नॉटिंगहॅम अग्निशमन यंत्रणेकडून या घटनेसंदर्भात माहिती देण्यात आली. फिलाडेल्फियाजवळ पश्चिमेकडून पूर्वेकडे जाणाऱ्या क्रमांक १ च्या मार्गिकेवर गुरुवारी सकाळी सहा वाजताच्या सुमारास हा भीषण अपघात झाला. (Latest Marathi News)
एका स्थानिक वृत्तवाहिनीने दिलेल्या वृत्तानुसार, दहा वाहने धडकून विचित्र अपघात झाला. या अपघातामुळं महामार्गावर प्रचंड वाहतूक कोंडी झाली होती. अपघातग्रस्त वाहनांमध्ये ट्रॅक्टर आणि ट्रेलर होते. ही वाहने एकमेकांना धडकल्यानंतर रस्त्याच्या कडेला असलेल्या क्राँक्रिटच्या संरक्षण भिंतींना धडकली. त्या भिंतींचा ढिगारा रस्त्यावरच पडला होता.
अपघातानंतर काही वेळानं या मार्गावरील वाहतूक सुरळीत करण्यात आली. मात्र, ती संथगतीने सुरू होती. हा अपघात नेमका कशामुळे झाला, याचा तपास करण्यात येत आहे.
या अपघातानंतर तेथील केवायडब्ल्यू न्यूज रेडिओवरून श्रोत्यांना वारंवार सूचना करण्यात येत होत्या. वाहतूक कोंडी आणि त्यामुळे होणारी गैरसोय टाळण्यासाठी पर्यायी मार्गांचा वापर करण्यात यावा, असे आवाहन करण्यात येत होते.
ट्रॅक्टर आणि ट्रेलर हे रस्त्याच्या मध्यभागीच अडकून पडले असून, संरक्षण भिंतीचा ढिगारा मध्यभागी असल्याने रस्त्यावर कोंडी झाली होती, असेही सांगण्यात येत होते. (Accident News)
या घटनेनंतर मार्गावर प्रचंड वाहतूक कोंडी झाली होती. दोन्ही दिशेकडील वाहतुकीवर परिणाम झाला होता. बचाव आणि मदतकार्य तात्काळ हाती घेण्यात आले. तर वैद्यकीय पथकेही तात्काळ घटनास्थळी पोहोचली होती, अशी माहिती अग्निशमन अधिकाऱ्यांनी दिली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.