हरदोई : सोशल मीडियावर प्रसिद्धी मिळवण्यासाठी काहीजण वाटेल ते करतात. मात्र कधी-कधी प्रसिद्धी मिळवणं हे अंगलट येत. असाच काहीसा प्रकार एका महिला पोलीस कॉन्स्टेबल सोबत घडला आहे. मध्यप्रदेशातील हरदोईमध्ये एका महिला पोलीस कॉन्स्टेबला कर्तव्यावर असताना फिल्मी गाण्यावर थिरकणं चांगलंच महागात पडलं आहे. या महिला कॉन्स्टेबचा वर्दीवर असताना डान्स करतानाचा व्हिडिओ सोशल मीडियावर व्हायरल झाला होता. व्हिडिओ समोर येताच तिचं निलंबन करण्यात आलं आहे. (Madhya Pradesh Women Police Latest News)

वसुंधा मिश्रा असं निलंबित महिला पोलीस कर्मचाऱ्याचं नाव आहे. वसुंधा यांनी कर्तव्यावर असताना पोलीस व्हॅनच्या सीटवर बसून एका फिल्मी गाण्यावर व्हिडिओ बनवला होता. हा व्हिडिओ सोशल मीडियावर मोठ्या प्रमाणात व्हायरल झाला. नेटकऱ्यांनी या व्हिडिओला अक्षरश: डोक्यावर घेतलं. तर काही जणांनी कर्तव्यावर असं करणं शोभतं का? अशा प्रतिक्रिया दिल्या. दरम्यान, हा व्हिडिओ पोलीस अधीक्षकांकडे पोहचताच, त्यांनी सदरील महिला पोलीस कर्मचाऱ्यासह अन्य तीन कर्मचाऱ्यांचं निलंबन केलं आहे. (Madhya Pradesh Women Police)

कर्तव्यात कसूर केल्याचा ठपका ठेवत या महिला कर्मचाऱ्यावर ही कारवाई करण्यात आली आहे. माहितीनुसार, या महिला कर्मचाऱ्याचे एक-दोन-तीन नव्हे तर आठ महिला पोलिसांचे व्हिडिओ सोशल मीडियावर व्हायरल झाले आहेत.

व्हिडिओंमध्ये वसुंधा या फिल्मी गाण्यावर थिरकताना दिसत होत्या. एका व्हिडिओमध्ये तर वसुंधा यांनी एका पोलीस कर्मचाऱ्यासोबत ‘हीरो तू मेरा हीरो हैं’ गाण्यावर रील बनवली. दरम्यान, एकापाठोपाठ एक व्हिडिओ सोशल मीडियावर व्हायरल होताच, पोलीस अधीक्षकांनी या महिला कर्मचाऱ्यासह पोलीस कर्मचारी धर्मेश कुमार आणि योगेश कुमार यांचं निलंबन केलं आहे.

Edited By- Satish Daud