Madhya Pradesh Saam TV
देश विदेश

Madhya Pradesh: विद्यार्थ्यांनी भरलेल्या स्कूल बसला भीषण आग; अग्निशमन दलाची वाहने घटनास्थळी दाखल

Madhya Pradesh Fire News: आगीची माहिती मिळताच पोलिसांनी तात्काळ घटनास्थळी धाव घेतली. तसेच वाहन चालकाने प्रसंगावधान राखत बस रस्ताच्या कडेला उभी केली

Ruchika Jadhav

Fire News:

मध्य प्रदेशमधून एक खळबळजनक घटना समोर आली आहे. बुधवारी सकाळी शाळकरी मुलींना घेऊन जाणाऱ्या बसला अचानक आग लागली. ही आग इतकी भीषण होती की संपूर्ण बस आगीत जळून खाक झाली आहे. सुदैवाने या घटनेत कोणतीही जीवितहानी झालेली नाही.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, आगीची माहिती मिळताच पोलिसांनी तात्काळ घटनास्थळी धाव घेतली. तसेच वाहन चालकाने प्रसंगावधान राखत बस रस्ताच्या कडेला उभी केली आणि सर्व लहान मुलांना खाली उतरवले. त्यामुळे कोणतीही दुर्दैवी घटना घडली नाही. सध्या सर्व मुलं सुरक्षित असल्याची माहिती पोलिसांनी दिली आहे.

सकाळी शाळेत जाण्यासाठी या बसमध्ये जवळपास १५ विद्यार्थी होते. बसला आग लागल्याची माहिती मिळताच कुटुंबीयांचा जीव कासावीस झाला. आपली मुलं सुखरूप असतील या चिंतेत पालक होते. मात्र वाहन चालकाच्या सतर्कतेने सर्व विद्यार्थ्यांचा जीव वाचला आहे. पोलिसांनी घटनास्थळी दाखल झाल्यावर काही वेळातच अग्निशमन दलाची वाहने घटनास्थळी दाखल झाली. आता आगीवर नियंत्रण मिळवण्यात यश आलं आहे.

पार्किंग सोडून महामार्गावर थांबलेल्या स्कूल बसचा अपघात

लातूरच्या किड्स इन्फो पार्क या खाजगी शाळेसमोर देखील स्कूल बस आणि काळी पिवळी गाडीचा भीषण अपघात झाला आहे. दरम्यान, शाळेसमोरच महामार्गाच्या बाजूला अनधिकृतपणे स्कूल बस उभी केल्याने हा अपघात झाला असल्याचं सांगितलं जातंय.

तर या अपघातात खाजगी प्रवासी वाहतूक करणाऱ्या गाडीतील 4 ते 5 प्रवासी गंभीर जखमी झाले आहेत. दरम्यान जखमींना लातूरच्या शासकिय रुग्णालयात उपचारासाठी पाठवण्यात आले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra politics : अमित शाहांचा थेट उद्धव ठाकरेंच्या खासदाराला फोन, राजकीय खेळी की फक्त शुभेच्छा?

Maharashtra Live News Update: कोल्हापूर जिल्ह्यातील धरण क्षेत्रात मुसळधार पाऊस

ऑपरेशन सिंदूरवर आज चर्चा, अधिवेशन तापणार; सत्ताधारी-विरोधकांमध्ये जोरदार खडाजंगी होणार | Operation Sindoor

Amboli Tourism : आंबोलीजवळ असलेला छुपा धबधबा, इथं जाताच येईल फॉरेनचा फिल

Bhimashankar Temple: त्र्यंबकेश्वरनंतर भिमाशंकर मंदिरातही गळती, पहिल्या श्रावणी सोमवारमुळे मोठी गर्दी; भाविकांचे हाल, पाहा VIDEO

SCROLL FOR NEXT