मध्य प्रदेशातील इंदूरमधून एक धक्कादायक बातमी समोर आली आहे. एका राजकीय पक्षाशी संबंधित नेत्याचा दिल्ली-मुंबई एक्सप्रेस वेवर महिलेसोबत शारीरिक संबंध ठेवतानाचा व्हिडिओ लीक झाला आहे. मनोहरलाल धाकड असे नेत्याचे नाव असून, हा व्हिडिओ समोर आल्यानंतर त्याच्याविरोधात पोलीस ठाण्यात गुन्हा दाखल करण्यात आला आहे. या घटनेनंतर राज्यात खळबळ उडाली असून, राजकीय वर्तुळातही चर्चांना उधाण आलं आहे.

सोशल मीडियावर व्हायरल झालेल्या सीसीटीव्ही फुटेजमध्ये एक कार रस्त्याच्या कडेला उभी असलेली दिसत आहे. कारमधून एक पुरूष आणि महिला दोघेही बाहेर येतात. तसेच कारच्या बाजूलाच ते दोघे शारीरिक संबंध ठेवत असल्याचे त्या व्हिडिओत दिसते.

सीसीटीव्ही फुटेजमध्ये कारचा नंबरही स्पष्टपणे दिसत आहे. परिवहन विभागाच्या नोंदीनुसार, ही कार मनोहरलाल धाकड यांच्या नावावर नोंदणीकृत असल्याची माहिती समोर आली आहे.

सीसीटीव्ही फुटेज समोर आल्यानंतर पोलीस ठाण्यात एफआयआर दाखल करण्यात आला असून, भानपुरा पोलिसांनी भारतीय न्याय संहितेच्या कलम २९४ (अश्लील कृत्य), २८३ (सार्वजनिक ठिकाणी अडथळा निर्माण करणे), २८५, २९६ आणि ३४ अंतर्गत गुन्हा दाखल केला आहे. व्हिडिओनुसार, ही घटना १३ मे २०२५ रोजी रात्री ८ वाजून २६ वाजता घडली आहे.

मनोहरलाल धाकड हे उज्जैनमधील धाकड महासभेचे राष्ट्रीय मंत्री होते, मात्र या घटनेनंतर महासभेने त्यांना पदावरून हटवल्याचे अधिकृत निवेदनात स्पष्ट केले आहे. या प्रकरणी पोलिसांकडून अधिक तपास सुरू असून, व्हायरल व्हिडिओमुळे परिसरात एकच खळबळ उडाली आहे.