मध्य प्रदेशात उद्या रविवारी ३ डिसेंबरला विधानसभा निवडणुकीचे निकाल लागणार आहेत. या विधानसभा निवडणुकीत सर्वच दिग्गजांची प्रतिष्ठा पणाला लागली आहे. मध्य प्रदेश विधानसभा निवडणुकीत काँग्रेस की भाजप बाजी मारणार, याकडे लागले आहे. (Latest Marathi News)
मध्य प्रदेशात भाजपने शिवराज सिंह यांच्या नेतृत्वात विधानसभा निवडणूक लढवली आहे. तर काँग्रेसने कमलनाथ यांच्या नेतृत्वात निवडणूक लढवली.
मध्य प्रदेशात काँग्रेस आणि भाजप या दोन्ही पक्षाचं पारडं जड असल्याचं सांगण्यात येत आहे. मात्र, मध्य प्रदेशात कोणाची जादू चालणार, याचं चित्र उद्या रविवारी 3 डिसेंबरला स्पष्ट होणार आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
निवडणुकीच्या निकालाआधीच दोन्ही पक्षाने जिंकण्याचा दावा केला आहे. दहा एक्झिट पोलमध्ये भाजपला बहुमत आहे तर दोन ठिकाणी काँग्रेसला बहुमत आहे. तर इतर चार एक्झिट पोलमध्ये दोन्ही पक्षात 'काटे की टक्कर' असणार आहे. मध्य प्रदेश विधानसभा निवडणुकीचे निकाल केंद्रीय निवडणूक आयोगाच्या वेबसाईटवर पाहता येणार आहे.
मध्य प्रदेश विधानसभा निवडणुकीच्या २३० जागांसाठी १७ नोव्हेंबर रोजी मतदान झालं. या वेळी निवडणुकीत २५३३ उमेदवार रिंगणात आहेत. मध्य प्रदेशमध्ये पहिल्यांदा विक्रमी ७७.१५ टक्के मतदान झालं आहे. तर यावेळी ७८.२१ टक्के पुरुष आणि ७६.०३ महिलांनी मतदान केलं.
तर २०१८ साली झालेल्या विधानसभा निवडणुकीत ७५.२ टक्के मतदान झालं होतं. मध्य प्रदेशात उद्या ३ डिसेंबर रोजी सकाळी ८ वाजेपासून मतमोजणीला सुरुवात होणार आहे. तर या निवडणुकीचे सकाळी १० वाजेपर्यंत चित्र स्पष्ट होण्याची शक्यता आहे.
२०१८ साली मध्य प्रदेश विधानसभा निवडणुकीत भाजपला १०९ जागा तर काँग्रेसला ११४ जागा आल्या होत्या. बसपाला दोन तर सपा आणि अपक्षाला एक जागा मिळाली होती. २०१८ साली काँग्रेसने १५ वर्षांनंतर मध्य प्रदेशमध्ये सरकारची स्थापना केली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.