Ludhiana Crime : लुधियानाच्या हैबोवाल भागात एक मोठी दुर्घटना घडली आहे. १० रुपयांच्या नोटेवरून ३६ वर्षीय दुकानदाराला चक्क पेटवून देण्यात आलं आहे. सदर घटनेचा थरार सीसीटीव्ही कॅमेऱ्यात कैद झाला आहे. पोलिसांनी या प्रकरणी आरोपीविरोधात गुन्हा दाखल केला असून पुढील तपास सुरू आहे.(Petrol)

मिळालेल्या माहितीनुसार, शेखर असं मृत व्यक्तीचं असून त्याचं भाजीचं दुकान होतं. आरोपी रवीने बुधवारी रात्री शेखरच्या दुकानातून भाजी विकत घेतली. त्यावेळी त्याला १० रुपयांची फाटलेली नोट सुट्ट्या पैशांमध्ये मिळाली.

यावरून त्या दोघांमध्ये वाद सुरू झाला. रवीने यावेळी संताप व्यक्त करत शेखरवर पेट्रोल ओतून त्याला पेटवून दिले. यामुळे शेखरच्या डोक्याला, पाठीला आणि खांद्याला यामुळे भाजलं आहे.

नेमकं काय घडलं?

पोलिसांनी दिलेल्या माहितीनुसार, रवीने बुधवारी रात्री ९.३० च्या सुमारास शेखरकडून २० रुपयांचा मुळा विकत घेतला. यावेळी त्याने शेखरला ५० रुपयांची नोट दिली. उर्वरीत ३० रुपये परत देताना शेखरकडून एक फाटलेली नोट गेली.

त्यामुळे रवीने ती नोट शेखरच्या अंगावर फेकली. याचा शेखरला राग आला. त्यावरुन दोघांमध्ये शिवीगाळ झाली. राग अनावर झाल्याने रवीने पुढे शेखरच्या अंगावर पेट्रोल ओतून त्याला पेटवून दिले.