लोकसभा अध्यक्ष (Loksabha Speaker) पदाबाबत मोठी बातमी समोर आली आहे. लोकसभा अध्यक्ष कोण होणार याकडे सर्वांचे लक्ष लागले होते. अशामध्ये आता लोकसभा अध्यक्षपदासाठी निवडणूक होणार आहे. स्वातंत्र्यानंतर इतिहासामध्ये पहिल्यांदाच लोकसभा अध्यक्षपदााठी निवडणूक होणार आहे. लोकसभा अध्यक्षपदावर सत्ताधारी आणि विरोधकांमध्ये एकमत होऊ शकलेले नाही. त्यामुळेच लोकसभा अध्यक्षपदासाठी निवडणूक होणार आहे.

लोकसभा अध्यक्षपदावर सत्ताधारी आणि विरोधकांमध्ये एकमत होऊ शकलेले नाही. त्यामुळे पहिल्यांदाच लोकसभा अध्यक्षपदासाठी निवडणूक होणार आहे. कारण एनडीए आणि इंडिया आघाडी या दोन्ही पक्षांनी लोकसभा अध्यक्षपदासाठी उमेदवारांची नावे जाहीर केली आहेत. ओम बिर्ला यांचे नाव भाजपच्या नेतृत्वाखालील एनडीएने निश्चित केले आहे. ओम बिर्ला यांनी आज लोकसभा अध्यक्षपदासाठी अर्ज दाखल केला. तर दुसरीकडे, इंडिया आघाडीकडून के सुरेश यांचे नाव निश्चित करण्यात आले. काँग्रेसचे खासदार के सुरेश यांनी लोकसभा अध्यक्षपदासाठी अर्ज भरला.

लोकसभा अध्यक्षपदाबाबत सत्ताधारी आणि विरोधकांमध्ये चर्चा झाली होती. पण लवकरच विरोधकांनी यावर आपली भूमिका स्पष्ट केली. विरोधी पक्ष उपाध्यक्षपदावर दावा करत असल्याने वाद आणखीनच चिघळला. यासाठी सत्ताधारी पक्षाकडून पाठिंबा मिळाला नाही. यानंतर विरोधकांनी निवडणुकीचा निर्णय घेतला. काँग्रेसचे केसी वेणुगोपाल यांनी सांगितले की, 'विरोधकांचा जर उपाध्यक्ष नसेल तर पाठिंबा देण्याऐवजी आम्ही अध्यक्षपदासाठी आमचाच उमेदवार उभा करू. अशा स्थितीत विरोधी पक्षाकडून के सुरेश यांचे नाव अध्यक्षपदासाठी निश्चित करण्यात आले. '