Viral Video News: सोशल मीडियावर लहान मुलांच्या डान्सचे, गायनाचे असंख्य व्हिडिओ व्हायरल होत असतात. ज्यामधील लहान मुलांचे टॅलेंटची दिग्गजांनाही भुरळ पडते. सध्या अशाच एका चिमुकलीचा व्हिडिओ सोशल मीडियावर व्हायरल होत आहे. ज्यामधील तिच्या गायन कलेची खुद्द पंतप्रधान नरेंद्र मोदींनाही भुरळ पडली आहे. काय आहे या व्हायरल (Viral Video) व्हिडिओची संपूर्ण कथा, चला जाणून घेवू...

सोशल मीडियावर, अनेक टीव्ही कार्यक्रमांमध्ये बाल कलाकारांच्या कलागुणांची झलक पाहायला मिळते. सध्याचा काळ हा सोशल मीडियाचा आहे. आई वडील अगदी जन्मलेल्या बाळाचे व्हिडीओदेखील सोशल मीडियावर टाकतात. त्यानंतर त्या बाळाचे अनेक गोष्टींचे व्हिडीओ सोशल मीडियावर (Social Media) शेअर केले जातात. अनेकदा सोशल मीडियावर टाकलेले असेच व्हिडिओ नेटकऱ्यांना भुरळ घालत असतात. ज्यामुळे ही चिमुकली मुलेही रातोरात स्टार होतात.

सध्या एका चिमुकल्याच्या गायनाचा असाच एक सुंंदर व्हिडिओ समोर आला आहे. जिच्या गायनाने पंतप्रधान नरेंद्र मोदींनाही मोहित केले आहे. पंतप्रधानांनी (PM Narendra Modi) हा व्हिडिओ शेअर करत चिमुकलीचे कौतुक केले आहे.

या व्हायरल व्हि़डिओमध्ये एक चिमुकली आईसोबत कन्नड भाषेमध्ये कवितेचे सुरमयी गायन करत आहे. प्रसिद्ध कवी के. एस. नृसिंग स्वामी यांची ही कविता आहे. पल्लवागाला पल्लवीयाली या कवितेचं गायण करत असतानाचा व्हिडीओ खुद्ध पंतप्रधान मोदींनी शेअर केला आहे. 

हा व्हिडिओ शेअर करत पंतप्रधानांनी ''हा व्हिडिओ प्रत्येकाच्या चेहऱ्यावर हसू आणू शकतो. असामान्य प्रतिभा आणि सर्जनशीलता. शाल्मलीला खूप खूप शुभेच्छा'' असा सुंदर कॅप्शन दिला आहे. या व्हायरल व्हिडिओवर नेटकऱ्यांनीही जोरदार प्रतिक्रिया दिल्या असून चिमुकलीच्या असामान्य कलेचे तोंडभरुन कौतुक केले आहे. (Latest Marathi News)