मध्य प्रदेशातील मंदसौर जिल्ह्यातील बानी गावचे रहिवासी आणि राजकीय नेते मनोहरलाल धाकड एका आक्षेपार्ह व्हिडिओमुळे वादाच्या भोवऱ्यात सापडले आहेत. या व्हायरल व्हिडिओमध्ये मनोहरलाल आपल्या कारच्या बाहेर निर्वस्त्र स्थितीत असलेल्या महिलेसोबत शरीरसंबंध ठेवताना दिसत आहेत. हा सगळा प्रकार सीसीटीव्हीत कैद झाला आहे. हा व्हिडिओ सोशल मीडियात व्हायरल होताच नेटकऱ्यांनी आणि राजकीय नेत्यांनी संताप व्यक्त केला आहे.

व्हायरल व्हिडिओमध्ये धाकड यांची गाडी एक्सप्रेसवेवर थांबलेली दिसते. त्यानंतर एक महिला निर्वस्त्र होऊन बाहेर येते. नंतर मनोहरलाल देखील अर्धनग्न अवस्थेत बाहेर येतात. रस्त्याच्या मधोमध दोघेही शरीरसंबंध ठेवतात. हा प्रकार एक्सप्रेसवेच्या लेन ८ वरच्या सीसीटीव्ही कॅमेऱ्यात रेकॉर्ड झाल्याचे सांगितले जात आहे. तसेच हा व्हिडिओ १३ मे २०२५ रोजीचा असल्याची माहिती समोर आली आहे.

मिळालेल्या माहितीनुसार, मनोहरलाल धाकड हे उज्जैन येथील धाकड महासभेचे राष्ट्रीय मंत्री होते. व्हिडिओ समोर आल्यानंतर त्यांना या पदावरून हटवण्यात आले आहे. विशेष म्हणजे, धाकड यांची पत्नी ही जिल्हा परिषद सदस्य आहेत.

भानपुरा पोलीस ठाण्यात धाकड यांच्याविरोधात गुन्हा दाखल करण्यात आला असून, संबंधित सीसीटीव्ही फुटेजच्या आधारे एफआयआर दाखल झाल्याचे पोलिसांकडून सांगण्यात आले आहे.

या घटनेनंतर राजकीय वर्तुळात खळबळ उडाली असून, पुढील तपास पोलिसांकडून सुरू आहे.