Sona Chandi Bhav : अवघ्या काही दिवसांपासून सोन्या-चांदीच्या दरात सतत वाढ होत होती. अशातच आज सोन्याच्या चांदीच्या भावात घसरण पाहायला मिळाली आहे. लग्नसराईचा मुहूर्त संपण्यासाठी काही दिवस बाकी असताना ग्राहकांसाठी सोने खरेदी करण्याची आज सुवर्णसंधी आहे.

आज सराफ बाजारात 22 कॅरेट १० ग्रॅम  सोन्याचा (Gold) भाव 55,370 रुपये आणि 24 कॅरेट सोन्याचा 10 ग्रॅमचा भाव 60,450 रुपये झाला आहे. तर चांदीचा भाव 74,500 रुपये प्रति किलो झाला आहे. (23rd May 2023 Update )

तर 22 मे सोमवारी 24 कॅरेट सोन्याचा भाव हा 60,830 आणि 22 कॅरेट सोन्याचा भाव हा 55,720 रुपये प्रति 10 ग्रॅम इतका होता.

1. 22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी (Silver), जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

2.  हॉलमार्कचे (Hallmark) सोनं कसे खरेदी कराल?

सोनं (Gold) खरेदी करताना आपण त्याची गुणवत्ता तपासायला हवी. हॉलमार्कचे चिन्ह असल्यावरच ते खरेदी करा. यामध्ये याची हमी सरकार आपल्याला देते. ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.